Login to your account

Username *
Password *
Remember Me

Laiha Solusaun ba Dialogu, MAPKomS Hein Desizaun Petisionariu

MAPKomS, Francisco Jeronimo fasilita dialogu entre Konsellu Imprensa ho AJTL hasoru reprezentante Jornalista Petisionariu sira nian iha Palasiu Governu (20/7) MAPKomS, Francisco Jeronimo fasilita dialogu entre Konsellu Imprensa ho AJTL hasoru reprezentante Jornalista Petisionariu sira nian iha Palasiu Governu (20/7) Foto Arkivu TLPU

TempoTimor (Díli)-Ministru Asuntu Parlamentar no Komunikasaun Sosial (MAPKomS) Francisco Jeronimo hein hela desizaun husi petisionariu sira ne’ebé kestiona prosesu eleisaun ba reprezentante jornalista ba Konsellu Imprensa ne’ebé hala’o husi Asosiasaun Jornalista Timor-Leste (AJTL).

Iha Segunda (20/07), MAPKomS fasilita dialogu daruak ho petisionariu sira hodi bele hetan solusaun ba problema ne’ebé iha, maibé seidauk hetan solusaun.

Ba kestaun ne’e, Ministru Jeronimo hatete, dialogu daruak no ikus ne’e parte hotu-hotu rekoñese katak iha buat balun sala.

"Maibé parte petisionáriu sei hakarak dehan katak sira hakarak ba hasoru lai ho sira-nia kolega sira depois sira sei haruka karta ida ba ha’u, saída mak pozisaun sira nian, maibé atu halo tan diálogu laiha ona, remata ona, no hein de’it ona pozisaun husi parte petisionáriu nian,” dehan Ministru Jeronimo iha palasiu governu.

Nia dehan, Konsellu Imprensa no sira seluk laiha problema, sira hein de’it.

“Agora husi parte petisionáriu sei husu fali tempu tan, sira ba hasoru malu ho nia kolega sira ne’ebé mak assina petisaun, atu nunee, ikus mai sira foti desizaun ida hodi haruka karta ida mai fó hatene sira hakarak kontinua ba tribunal ka ba parte ne'ebé kompetente ka remata ona iha enkontru ida ohin.”

"Entaun, kerdijer ke desizaun mak ne'e ona, i haree fali ba oin saída mak atu bele halo. Tanba sira ohin dehan ba ami hotu katak sira na’in haat de’it mak mai, entaun sira hakarak fila ba halibur malu tiha lai depois sira haruka karta ofisial ida mai MAPKomS ho KI hodi informa katak saida mak sira-nia pozisaun,” dehan nia.

Iha fatin hanesan, portavoz petisionariu, Nomeio Falcão hatete, nia parte sei ba hasoru-malu ho nia maluk petisionariu sira molok deside pozisaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter