Login to your account

Username *
Password *
Remember Me

Dalan Hatún Xefe Estadu Maka Golpe no PN

Diretór Ezekutivu AJAR José Luis de Oliveira ko'alia ba Jornalista iha nia kna'ar fatin Farol, Dili (20/7) Diretór Ezekutivu AJAR José Luis de Oliveira ko'alia ba Jornalista iha nia kna'ar fatin Farol, Dili (20/7) Foto Tempo Timor

Tempotimor (Dili) - Relasiona ho ezijénsia Ángela Freitas ho nia grupu Rezisténsia Defende Justisa no Konstituisaun RDTL hodi husu Xefe Estadu, Francisco Guterres Lú Olo, difisil atu akontese.



Diretór Ezekutivu Asia Justice and Rights (AJAR), José Luis de Oliveira hateten, atu hatún Prezidente Repúblika tenke liuhusi Parlamentu Nasionál (PN) ka halo golpe.

"Se o hakarak hatún PR tenke liuhusi Parlamentu Nasionál (PN) depois ba Tribunál, ó labale hatún iha dalan de'it, ne'e inkonstituisionál. Ó protestu buat ruma ne'e direitu ida, mas atu hatún Prezidente Repúblika husi dalan manifestasaun ne'e ilegál," dehan nia, ba jornalista sira, iha nia knaar fatin, Faról, Dili, Segunda (20/7).

Nia mós afirma, atu hatún Xefe Estadu tenke liuhusi PN, maibé mós tenke hetan maioria iha Parlamentu.

"Tenke liuhusi Parlamentu Nasionál depois aseita maka ba Tribunál, bainhira to'o ona iha tribunál mak iha painél ida ne'ebé kompostu husi juis na'in 15 mak julga Prezidente Repúblika," nia dehan.

José Luis dehan, liberdade ba manifestasaun ne'e direitu ida, mas ba impoen ka obriga de'it interese grupu nian ne'e inkonstituisionál.

Anaunser, grupu Ángela Freitas nian halo gople hasoru PR Lú Olo hanesan fulan kotuk akontese iha PN, maibé mós tenke hetan forsa ka kaer militar hotu.

Antes ne'e, porta-vós grupu Rezisténsia Nasionál Defende Justisa Konstituisaun RDTL, Ángela Freitas, ameasa Xefe Estadu atu fó resposta ba sira-nia petisaun no rezigna-aan.

Nia dehan, Prezidente Repúblika tenke iha responsablidade morál atu rezigna-aan tanba ukun la tuir regra demokrasia, se lakohi tun mak RNDJK sei mobiliza massa halo asaun.

"Se ami hato'o petisaun ba Prezidente Repúblika laiha resposta mak povu sei tuun halo demonstrasaun. Tanba ne'e, Prezidente Repúblika tenke iha responsablidade morál atu rezigna-aan tanba ne'e ezijénsia povu nian", dehan nia, hafoin konsentra massa, iha sede RNDJK, Formosa, Sesta (17/7).

Nia husu, Prezidente Repúblika, Francisco Guterres Lú Olo tenke rezigna-an atu rezolve impase polítika iha rai-laran.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter