Deputadu UDT/FM: Jura ba Partidu, Luta Tinan 24 sei La Vale

Parlamentu Nasional timor Leste Parlamentu Nasional timor Leste Foto suplai

Tempotimor (Dili)-Deputadu bankada UDT/FM Francisco David konsidera juramentu ne'ebé partidu politiku balun halo sei hamonu luta ne’ebé veteranu sira halo durante tinan 24 nia laran.

Tuir deputadu ne’e, uluk iha tempu rezistensia, lider sira halo juramentu iha ai-laran tanba lakohi atu fó nasaun Timor-Leste ba ema ukun.

Maibé, dadauk ne’e iha ukun an nia laran, lider partidu politiku balun kontinua halo juramentu, ne’ebé hatudu katak sira la konsidera luta ne’ebé veteranu sira no povu TL halo durante tinan 24 nia laran.

Tanba ne’e, nia afirma, UDT/FM hola pozisaun kontra partidu politiku sira ne’ebé halo juramentu hodi buka massa.

Iha fatin hanesan deputadu bankada PD Antonion da Conceição husu ba Partidu Politiku sira labele instrumentaliza sosiedade ba ninia interese pesoal.

Nia mós konkorda ho interpretsaun husi deputadu CNRT ne'ebé husu Komandante Jeral PNTL Komisiariu Faustino da Costa atu fó sansaun rigorozu ba ninia membru ne'ebé envolve iha juramentu ba partidu.

"Partidu politiku iha diretu atu eduka sosiedade hodi hola vizaun ba oin, maibé labele instrumentaliza populasaun ninia hanoin no ignoransia ba imi-nia interese," dehan Antonio.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.