“Sira iha PN ne’ebá, hein tinan lima hotu para sira simu sira-nia pensaun vitalísia ke sira ne’e laiha direitu, ha’u bele dehan sira laiha direitu inklui lei ne’e mós halo sabraut hela,” dehan Maijór Jenrál Lere Anan Timur ba jornalista sira iha Palásiu Prezidensiál bairru-pite Dili, Kuarta (15/07)
“Tanba saida mak ami luta tinan 24 laiha pensaun vetalisia, to’o ha’u-nia katuas sira reforma ne’e ko’a tan ninia osan, manan de'it dolar $110 kada fulan, ne’e morál laiha,” dehan Lere
“Tanba ne’e halo lei ne’ebé real ne’ebé koresponde ba ita-nia situasaun, la’ós ba hein o-nia PV to’o tinan lima para sosa kareta foun, pois o sa’e, ida ne’e demais,” nia dehan
Lere mós promote, sei ejize ba PN hodi kria mós lei pensaun vitalísia ba veteranu sira.
“Ami hanesan veteranu, ami mós hakarak ejize ba PN hodi halo lei pensaun vitalísia ba ami tinan 24 la’ós tinan lima, ami sei ejize,” nia promote.