ONU Hamutuk Governu TL Apoia Povu Vuneravel

PM Taur Matan Ruak hasoru malu ho Ulun Bo'ot ONU nian ba Timor Leste, iha palasiu Governu Dili (10/7) PM Taur Matan Ruak hasoru malu ho Ulun Bo'ot ONU nian ba Timor Leste, iha palasiu Governu Dili (10/7) Foto suplai

Tempotimor (Dili) - Relasiona ho situasaun pandemia Corona Virus Disease (Covid-19) afeta ba ekonomia iha mundu tomak inklui Timor-Leste, ho nune'e Organizasaun Nasoins Unidas (ONU) hakarak servisu hamutuk ho governu hodi apoia povu vuneravel sira.


Reprezenta ONU iha Timor-Leste, Roy Trivedy hateten, prontu servisu hamutuk ho governu atu fó apoiu ba sidadaun vulneravel sira ne'ebe durante situasaun Covid-19 afeta makaas ba ekonomia moris nian.

"Hamutuk ita bele suporta governu ba planu ekonomia iha períodu emerjénsia atu suporta ba sidadaun vuneravel sira", dehan nia, hafoin hasoru-malu ho Primeiru Ministru, Taur Matan Ruak, iha Palásiu Governu, Sesta (10/9).

Tuir nia, momentu situasaun ida agora polítika importante maka presiza suporta makaas ba sidadaun vuneravel sira hanesan, idozu, labarik no sira seluk tan ne'ebé mais vuneravel.

Hasoru Primeiru Ministru ko'alia kona-ba prioridade governu nian no situasaun iha nasaun Timor-Leste ne'ebe Covid-19 ninia impaktu ba saúde no sosiu-ekonómiku.

"Ko'alia mós kona-ba estabelesimentu ekonomia no seguransa alimentár, edukasaun no mós kooperasaun multilaterál", dehan Roy.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.