Print this page

Deputadu PN Husu Governu Hatuur Arte Moris Iha Fatin Dignu

Edifisiu Arte Moris Atual Edifisiu Arte Moris Atual Foto suplai

Tempotimor (Dili)-Primeiru Ministru Taur Matan Ruak deside hodi entrega edifisiu Arte Moris ba Konsellu Kombatentes Libertasaun Nasionál (KKLN) hodi utuliza. Mosu reasaun kontra barak husi públiku ba desizaun PM Taur ne’e.

Iha Parlamentu Nasionál, deputadu husi Bankada CNRT Patrocino Fernandes husu governu atu tenke tau uluk kondisaun ne’ebé dignu ba joven sira iha Arte Moris molok muda sai sira husi fatin ne’ebé sira okupa ona durante tinan 16.

Deputadu ne’e dehan, governu deside muda Arte Moris tanba governu iha razaun atu utuliza fatin refere ba atividade KKLN, maibé molok atu muda governu tenke tau mós  kondisaun di’ak ba joven sira iha Arte Moris.

"Ha'u hanoin KKLN mós instituisaun importante ida ba iha dezenvolvimentu, entaun sira mós presiza fatin ba sira atu utiliza hodi hala'o sira-nia serbisu, maibé tau mós atensaun ka kondisaun ba ita-nia joven sira ne'ebé hamahan an iha arte moris,” dehan deputadu CNRT ne’e iha PN, Kinta (09/07).

Tuir nia, iha joven barak mak hakarak dezenvolve sira-nia talent liu husi Arte Moris, tanba ne'e governu presiza tetu no kria kondisaun ba sira, atu joven hirak ne'e nafatin iha esperansa hodi dezenvolve sira-nia kreatividade no sira-nia talentu hodi partisipa mós iha dezenvolvimentu nasionál.

"Kabe ba governu mós tenke tau importánsia ba joven sira, aleinde governu fó fatin ba KKLN, maibé governu mós tenke aranja fali fatin ba joven sira iha Arte Moris hodi sira bele dezenvolve sira-nia talent,” deputadu ne’e husu.

Molok ne’e, Primeiru Ministru Taur Matan Ruak orienta ona prezidente KKLN Vidal de Jesus 'Riak Lemak' atu ba okupa edifisiu Arte Moris.

Entretantu, Sekretariu Estadu Arte no Kultura, Teofilo Caldas m’os deklara konkorda ho desizaun Primeíru PM Taur hodi intrega edifisiu Arte Moris ba KKLN.

Rate this item
(1 Vote)
Last modified on Thursday, 09 July 2020 19:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items