MAE sei Forma Ekipa Apoia Komisaun Rekuperasaun Ekonomia

Vice-Ministru Administrasaun Estatal (MAE) Lino de Jesus Torrezao ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, tersa (07/07). Vice-Ministru Administrasaun Estatal (MAE) Lino de Jesus Torrezao ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, tersa (07/07). Foto Tempo Timor

Tempotimor (Dili)- Ministériu Administrasaun Estatál (MAE) sei prepara ekipa ida hodi rekolla dadus hodi hato'o ba Primeiru Ministru kona-ba  rekuperasaun ekonomia durante surtu Coronavirus Disease (Covid-19).

"Hasoru Primeiru Ministru ko'alia kona-ba rekuperasaun ekonomia iha situasaun Covid-19 nia-laran", dehan Vise-Ministru Aministrasaun Estatál, Lino de Jesus Torrezão,  iha Palásiu Governu, Tersa (7/7).

Rekuperasaun Ekonomia ne'e sei forma ekipa ida atu bele tun ba iha baze foti dadus para hato'o ba Primeiru Ministru hodi haree ba situasaun ekonomia ne'ebe durante afeta makaas husi surtu Covid-19.

"Oinsá maka ita bele forma ekipa ida para bele tun to'o ba iha kraik halo levantamentu dadus atu hato'o ba Primeiru Ministru atu bele haree fila-fali situasaun agora dadauk depois estende Estadu Emerjénsia", dehan Nia.

Presiza duni atu rekupera ekonomia tanba durante situasaun surtu Covid-19 ninian impaktu makaas ba ekonomia rai-laran. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.