Print this page

CNRT Konsidera Akuzasaun FRETILIN Ba Xanana no Calistro Expire Ona

Eis Primeiru Ministru Kay Rala Xanana Gusmao hamutuk ho eis Komandante ida husi PNTL ne'ebe ikus mai sai suspeitu, CG, suspeitu trafuku droga no evidensia droga iha Kuatel PNTL antes tranferensia suspeitu hirak ne'e ba Indonezia Eis Primeiru Ministru Kay Rala Xanana Gusmao hamutuk ho eis Komandante ida husi PNTL ne'ebe ikus mai sai suspeitu, CG, suspeitu trafuku droga no evidensia droga iha Kuatel PNTL antes tranferensia suspeitu hirak ne'e ba Indonezia Foto Arkivu

Tempotimor (Dili) - Deklarasaun Partidu FRETILIN hodi haruka Ministériu Públiku  investiga Inspetór Calisto Gonzaga no Kay Rala Xanana Gusmão kona-ba lori fila sidadaun  Indonézia nain-rua ne’ebé hatama droga mai TL pertinente tanba expire ona.

Liuhusi intervensaun iha plenária PN, Segunda (6/7), deputadu Bankada CNRT, Patrocino Fernandes deklara, durante prosesu julgamentu Xanana sempre marka prezensa nuudar sasin ba Calisto Gonzaga, maibé Ministériu Públiku la-estrai sertidaun atu akuza Xanana Gusmão núdar arguidu tanba laiha evidénsia.

"Alegasaun Bankada FRETILIN nian relasiona ho kazu Inspetór Calisto Gonzaga nian ne’e hodi dada Maun Boot Kay Rala Xanana Gusmão ba iha prosesu nia laran ne’e la pertinente," dehan Deputadu Bankada CNRT, Patrocino Fernandes.

Lee mos : Kazu Droga: Fretilin duun XG - Longuinhos Abuzu Poder, Exije MP Investiga


Nia afirma, momentu ne'ebá Calisto Gonzaga halo rekursu ba nia kazu no Tribunal Rekursu hatún desizaun hodi kondena nia ba pena prizaun tinan-tolu no suspende ba tinan-haat. Altura ne'ebá, Calisto Gonzaga kompleta ona ninia pena no oras ne’e kontinua serbi iha instituisaun PNTL.

"Kazu ida ne'e hotu tiha, tan ne'e agora Calisto Gonzaga mos  hetan nomeasaun husi Komandu-Jeral Komisáriu Faustino da Costa hodi sai Komandante ba Administrasaun," dehan nia.

"Ida-ne’e nu'udar krime organizadu no hetan koordenasaun di'ak ho Jenerál Gories Mere, além de ne’e, Maun Boot Kay Rala Xanana Gusmão lori kazu ne’e ba iha reuniaun Konsellu-de-Estadu," tenik deputadu CNRT ne'e.

Nia afirma, Xanana Gusmão nu'udar Ministru Defeza no Interior ne’ebé haruka Calisto Gonzaga lori Indonézia na'in-rua ne’ebé hatama droga ba Jakarta hodi entrega ba iha Justisa Indonésia. 

Ho ida-ne’e bele hapara Dili sai fatin tránzitu ba droga ne’ebé mai husi Amérika Latina, liuhusi Áfrika, Índia, Singapura no mai kedan simu iha Dili, Indonézia nia ema mak sei lori ba Indonézia liuhosi fronteira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items