Governu seidauk simu proposta foun troka Júlio Hornai Featured

Relasiona ho mandatu Komandu Jerál Polisia Nasionál Timor-Leste (PNTL), Komisáriu Julio Hornai no Segundu Komandante Jerál, Komisáriu Faustino da Costa, ne’ebé sei remata iha 27 Marsu 2019, Governu seida’uk simu proposta foun husi Ministru Defeza no Interiór.

Primeiru Ministru, Taur Matan Ruak hateten, Governu seida’uk simu kandidatu foun, tanbe ne’e ministru defeza no seguransa mak trata.

"Buat hotu ne’ebé sei to’o iha Konsellu Ministru liuhusi ministru tutela, mais naturalmente Primeiru Ministru sei fó nia opiniaun", dehan nia, iha Palásiu Prezidensiál Bairru-Pite, Kinta (7/3).

Entretantu, iha fatin hanesan, Komandante Jerál PNTL, Komisáriu Júlio Hornai hateten, ne’e kompetensia na'i ulun sira-nian atu deside kona ba mandatu ne’e.

"Ne’e la’os ami-nia kompetensia ona, ami prontu atu simu bainhira tempu to’o ami entrega fila fali ba ita-nia governante. Sira mak iha kompetensia atu deside ida ne’e”, dehan Komisáriu Júlio.

Komiariu aumenta, bainhira na'i ulun sira nafatin fó konfiansa, hanesan timor oan no superior PNTL servisu ba nasaun ne’e laiha limitasaun tempu. Reforma ona maka foin fila ona ba vida sivíl tanba mandatu hotu ona.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com