Virgílio Guterres Eleitu Reprezentante AJTL Iha KI, Horta - MAPKS Kongratula

Eis Prezidente Dr. Jose Ramos Horta hatama nia votus ba kaixa de votasaun hodi hili jornalista sira nia reprezentante husi AJTL ba KI Eis Prezidente Dr. Jose Ramos Horta hatama nia votus ba kaixa de votasaun hodi hili jornalista sira nia reprezentante husi AJTL ba KI Foto Suplai

Tempotimor (Dili)-Premiadu Nobel da Paz no eis Prezidente Repúblika (PR) Ramos Horta no MAPKS Francisco Jerónimo kongratula Virgílio da Silva Guterres atuál Prezidente Konsellu Imprensa (KI) ne'ebé membru no jornalista sira husi Asosiasaun Jornalista Timor Lorosa'e (AJTL) fó ona fiar atu reprezentante jornalista timor leste tomak iha KI.

"Parabens ba señor Virgílio da Silva Guterres ne'ebé eleitu. Ami iha liur, ami rona kedas ona ita boot nia naran, entaun parabems no parabems mós ba jornalista hotu ne'ebé realiza eventu uda ne'e ho di'ak teb-tebes," dehan Laureadu Nobel da Paz José Manuel Ramos Horta iha nia diskursu hafpin partisipa iha konferénsia AJTL nian ne'ebé realiza iHa salaun Delta Nova, Sábadu (04/07)

Iha diskursu ne'e mós eis Prezidente Repúblika (PR) ne'e dehan, dalabarak ema dehan jornalista sira inkompetente, maibé estada no ponte sira la monu.

"Dalaruma polítiku no governu sira hirus to'o bolu jornalista sira inkompetenete, mais ha'u hanoin, se jornalista ida inkompetente, estrada no ponte la monu, maibé kuandu ministru ruma inkompetente estrada, ponte no seluk tan bele monu, tanba ne'e poder polítiku bele ko'alia, maibé tenke sukat," dehan Ramos Horta

Iha fatin hanesan Ministru Asuntu Parlamentár no Komunikasaun Sosiál (MAPKS) Francisco Jerónimo mós kongratula Virgílio Guterres ne'ebé atu reprezentante jornalista hotu iha KI.

"Hakarak fó parabens ba reprezentante eleitu husi AJTL, señor Virgílio da Silva Guterres ne'ebé horsida ba oin sei sai membru ida hodi hamutuk ho nia kolega sira ba iha KI, inklui parabens mós ba AJTL, tanba ita boit sira organiza di'ak teb-tebes konferénsia ida ne'e ho demokrátiku tebes, hodi hili imi-nia reprezentante ba KI," dehan MAPKS

Rate this item
(0 votes)
Last modified on Sunday, 05 July 2020 09:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.