Governu Atribui Kompetensia ba DJ no DN Ezekuta OJE 2019 Featured

Governu liuhusi Primeiru Ministru, Taur Matan Ruak, atribui ona kompetensia ba Diretór Nasionál no Diretór Jerál atu ezekuta Orsamentu Jerál Estadu 2019.

“Governu liuhusi Konsellu Ministru deside atu Diretór Nasionál no Diretór Jerál mak ezekuta orsamentu ne’e", dehan PM Taur, iha Palásiu Prezidensiál Bairru-Pite, Kinta (7/3).

Nia dehan, haree ba teknikamente sira mak iha koñesimentu, maibé ba hataan iha Parlamentu ne’e sempre ministru sira tutela.

Ne'e duni, ba suntu tekniku ne’e sira bele halo, ne’e kuaze ministreiu hotu. Tanba ne’e, kada diretór ida haree iha orsamentu, ba Parlamentu, ministru ne’ebé tutela mak responde, maibé tenke iha apoiu tekniku husi Diretór Jerál no Diretór Nasionál, tanba ne’e koletivu.

Xefe Governu komenta, ba diretór sira ne’ebé hetan mudansa ne’e kompetésia ministru tutela sira nian, tanba iha regra ne’ebé tenke kumpre. Dezde la viola regra ka lei sira iha poder tomak para halo mudansa.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.