Povu Halerik Menus Faslidade, PN Gasta Rihun 4 ba Saude Kada Deputadu 

Vise PPN Luis roberto ko'alia ba Midia Vise PPN Luis roberto ko'alia ba Midia Foto arkivu

Tempotimor (Dili)- Fasilidade iha area saúde territoriu Timor laran toma sidauk sufisiente atu fasilita pesoal saúde sira halo tratamentu ba povu ki'ik sira bainhira moras maibé, Parlamentu Nasional kada tinan kontinua preve orsamentu rihun $4.000 ba deputadu sira ida-ida hodi responde ba tratamentu saúde.

Vice Prezidente Parlamentu Nasional Luis Roberto relata, atendimentu Parlamentu Nasional nian kada tinan preve orsamentu rihun $4.000 ba deputadu no deputada sira hodi halo tratamentu ba sira nia saúde bainhira hetan moras ruma.

"Sempre tau matan ba deputadu sira ne'ebe moras tanba Parlamentu Nasional iha orsamentu ba tratamentu saúde ninian ne'ebe preve iha ne'eba kada tinan $4 mill, entaun ho osan ne'e atu responde ba deputadu no deputada sira kuandu hetan moras, ida ne'e mak responsablidade Parlamentu Nasional nian", dehan nia iha Parlamentu Nasional, kuarta (01/07)

Atual VPPN ne'e haktuir informasaun dadaun ne'e katak, iha deputadu Adriano do Nascimento husi bankada PD no deputada Maria Angelina Sarmento Lopes husi bankada PLP mak halo hela tratamentu saúde iha Ospital Nasional Guidu Valadares (HNGV Sigla Portuges).

"Tuir informasaun katak deputadu Adriano do Nascimento ho deputada Maria Angelina Sarmento Lopes moras no ida ne'e Parlamentu Nasional sempre tau matan i sira agora iha hela Ospital Nasional Guidu Valadares (HNGV) maibé sira nia moras la'os grave liu", Nia dehan

"Sira nia moras la grave liu baibain hela no agora ami mos akompana nafatin konforme sira nia moras kuandu rezultadu iha hospital ko'alia oinsa! fiar katak, orsida Parlamentu Nasional mos iha inisiativa atu tau matan, maibé tuir informasaun sira moras la grave, hau fiar katak Ospital Guidu Valadares (HNGV) mos bele responde ba sira nia saúde", tenik Nia

Nia parte hatene Deputada Maria Angelina Sarmento Lopes mak sei baixa hela iha HNGV maibé, Deputadu Adriano do Nacimento nia sidauk hatene loloos pozisaun agora iha HNGV ou rekopera ona.

"Dadaun tuir informasaun Vice Prezidente Parlamentu Nasional Maria Angelina Sarmento Lopes sei iha Ospital no Deputadu Adriano Nacimento mak sei iha Ospital ou fila ona ba uma hau sidauk hatene didiak", Nia informa

Nia dehan, maske deputadu nain rua ne'e halo tratamentu saúde iha Ospital Nasional Guidu Valadares (HNGV) maibé fiar katak, bele rekopera lalais iha tempu badak tanba moras baibain la ho kondisaun ne'ebe grave.

Iha Parte seluk populasaun ne'ebe moras iha Lospalos dala barak kuran ambulansia hodi transporta mai Ospital Baukau.

"Ita restaura ita nia ukun rasik a'an besik tinan 2o ona maibe ami nia ema moras iha Lospalos buka ambulansia atu tula ba ospital Baukau dala ruma sei susar," dehan komunidade ida husi Lospalos.

Rate this item
(0 votes)
Last modified on Thursday, 02 July 2020 00:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.