La Iha Timoroan mate ba Covid 19 : EE Hotu, Kuarentena Kontinua Funsiona

Primeiru Ministru Taur Matan Ruak ko'alia ba jornalista sira iha CCD hafoin ofisialmente taka SIJK (30/6) Primeiru Ministru Taur Matan Ruak ko'alia ba jornalista sira iha CCD hafoin ofisialmente taka SIJK (30/6) Foto Isac Oliviera

Tempotimor (Dili)-Tuir Primeiru Ministru (PM) Taur Matan Ruak katak, maske estadu emerjénsia iha estadu Timor Leste mak hotu ona, maibé kuarentena ba sidadaun sira ne'ebé kontinua tama iha teritóriu nasionál, sei kumpri nafatin regra Ministériu Saúde (MS) nian hanesan kuarentena, uza maskara no distansiamentu sosiál.

"Iha ita-nia nasaun moras laiha, maibé ita-nia viziñu moras iha. Entaun se ita-nia viziñu iha, médida ne'ebé ita tenke halo mak oinsa kontinua kontrola nafatin fronteira, ema sira ne'ebé mai, naturalmente tenke kumpri nafatin regras ne'ebé MS estabelese ona hanesan kuarentena no seluk tan," dehan PM Taur ba jornalista sira liuhusi pers konferénsia ne'ebé hala'o iha Sentru Konvensoens Dili (CCD), Tersa (30/06)

Nasaun barak maka sofre Pandemia Covid 19 no rihun maka mate maibe iha nasaun ne'e ema ne'ebe deteta sofre Covid 19 la to'o ema na'in tolu nolu. Xefe governu mós dehan, kualker ema bele tama iha Timor Leste, maibé tenke tuir regras.

"Autorizasaun ba ema atu tama iha ita-nia rai, ita autoriza iha estadu emerjénsia faze datolu nian. Tanba ne'e ita autoriza funsionáriu estadu unidus nian, embaixada sira-nian, emprezáriu sira ne'ebé tau matan ba projeitu sira, bele tama no ba oin ita sei husik ema tama, maibé tenke tuir regras, hanesan sira tenke hatudu sira-nia atestadu médiku, mai iha ita-nia rai tenke halo teste ba sira, ita tau sira iha karantina no auto karantina," dehan PM

Alende ne'e, kona-ba aeroportu, governu loke, maibé seidauk iha aviaun ida mak mai, tanba nasaun sira ne'ebé nia aviaun halo movimentasaun mai iha Timor Leste seidauk deside, maibé sira ne'ebé mai ita fasilita, maibé tenke tuir regras MS nian.

Rate this item
(0 votes)
Last modified on Tuesday, 30 June 2020 13:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.