Uma Kain Liu Rihun Seidauk Simu Subsídiu

Ministru Asuntu Parlamentár no Komunikasaun Sosiál (MAPKS), Francisco Jerónimo  ko'alia ba Jornalista sira iha Parlamentu Ministru Asuntu Parlamentár no Komunikasaun Sosiál (MAPKS), Francisco Jerónimo ko'alia ba Jornalista sira iha Parlamentu Foto File

Tempotimor (Dili) - Pagamentu subsídiu ne'ebé Governu halo ezekuta hotu ona. Maibe iha prosesu ne'e hamutuk uma kain rihun ida-resin seidauk simu osan. Nune'e, sira aprezenta ona reklamasaun ba governu.

Ministru Asuntu Parlamentár no Komunikasaun Sosiál (MAPKS), Francisco Jerónimo hateten, governu liuhusi Ministériu Solidariedade Sosiál no Inkluzaun (MSSI) no Ministériu Administrasaun Estatál (MAE) simu ona reklamasaun husi komunidade ne’ebé seidauk simu subsídiu Covid-19 hamutuk rihun ida-resin.

“Ha’u la fiksa nia númeriu maibé lista reklamante sira nian rihun ida ba leten, maibé reklamasaun sira ne’e sei rezolve hotu,” dehan nia, ba jornalista sira, iha Parlamentu Nasionál (PN), Segunda (29/6).

Númeru reklamadu hirak ne'e depois halo verifikasaun hotu governu sei halo pagamentu mezmu Estadu Emerjénsia remata ona, tanba ne'e direitu sira nian.

Entretantu ba familia uma ka’in sira ne’ebé balun simu subsídiu dala-rua governu sei buka tuir.

"Ba familia sira ne’ebé simu dobru ka nia naran sai iha fatin ida, depois ba simu tan iha fatin seluk, ne’e fila-fali ba sira-nia konxiénsia. Maibé governu sei buka tuir hodi halo investigasaun,” dehan Jerónimo.

Kona-ba medida ba ema hirak ne'e governu seidauk desida iha tempu agora, maibé bainhira pagamentu ba uma-ka’in sira mak hotu ona mak foin governu deside.

Rate this item
(0 votes)
Last modified on Wednesday, 01 July 2020 11:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.