Subsídiu Injustu Ba FL Covid 19, Fretilin Ezije Investigasaun

Pesoal saude sira ne'ebe servisu iha momentu difisil nian Pesoal saude sira ne'ebe servisu iha momentu difisil nian Foto arkivu

Tempotimor (Dili)-Bankada Parlamentár Frente Revolusionáriu Timor Leste Independente (FRETILIN) ezije ba parte kompetente atu halo investigasaun kle'an ba subsídiu ne'ebé governu fo ba pesoál front line no ajente administrasaun sira durante durante fulan tolu iha kombate pandemia covid-19 iha Timor Leste.

Tuir deputadu Fretilin Dário Madeira katak, parte kompetente tenke halo investigasaun kle'an ba subsídiu ne'ebé governu fó ba front line sira.

"Parte relevante tenke investiga kle'an inklui komisaun parlamentár mós tenke halo fiskalizasaun lalais, tanba mosu diskriminasaun no injustisa boot ida ba pesoál médiku sira iha line frente. Depois iha pagamentu balun katak osan sira ne'e la responde ba sira-nia servisu durante fulan rua nia laran, maibé ajente sira ne'ebé tuur de'it iha kantor ne'e, sira-nia subsídiu mak boot liu fali, mais sira la infrenta direta, entaun sa lina frente mak ita inte de durante ne'e," dehan deputadu Dário Madeira iha plenária PN, Segunda (29/06)

Nia mós fó ezemplu katak, ema ne'ebé iha front line hetan de'it dolar $500, maibé ema ne'ebé tuur iha kantor hetan fali dolar $1.000.

"Ministériu Saúde (MS) nia sosializasaun kona-ba line frente to'o iha ne'ebé, mak ajente administrasaun sira la kompriende fali buat ne'e, tenke halo fali diskriminasaun ba malu? Ezempu de'it, pesoál liña frente sira nia saláriu subsídiu ba fulan rua iha de'it $500 to'o $600, maibé ema ne'ebé tuur de'it iha administrasaun de'it, hetan fali $1.000, ne'e saida mak ne'e, ne'e injustisa boot," dehan Dário.

Iha fatin hanesan deputadu Alexandrinho Cardoso katak, ema ne'ebé atu mate uluk hetan subsídiu oituan, maibé ema ne'ebé dalaruma la mate hetan fali subsídiu boot liu.

"Ema ne'ebé iha front line, simu subsídiu oituan de'it, depois ema ne'ebé tuur de'it iha meza ka sede, osan ne'e sira ne'e hetan boot liu fali. Karik mate, ema ne'ebé mate uluk mak sira ne'ebé iha front line, ida iha meza ne'e mate ikus, dalaruma la mate tan, mais nusa mak halo fali diskriminasaun," dehan Alexandrinho.

Entretantu deputada Nelia Menezes mós dehan, ema ne'ebé infrenta direta iha situasaun Covid-19, naran laiha fali, mais ema ne'ebé la infrenta mak naran iha fali.

"Iha kuarta semana ne'e pesoál saúde sira iha front line sei mai hasoru komisaun F, tanba tuir informasaun katak, pesoál sira ne'ebé infrenta direta ba situasaun Covid-19 ne'e naran la sai iha front line, maibé ema ne'ebé la infrenta direta naran sai fali, ne'e injustisa," dehan Nelia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.