José Reis Sei Hadi'a Planu Ordenamentu Teritoriál

Vice Primeiru Ministru Jose Reis ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, Segunda (29/06). Vice Primeiru Ministru Jose Reis ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, Segunda (29/06). Foto Januario Varella

Tempotimor (Dili) - Vise Primeiru Ministru no Ministru Planu Ordenamentu Teritoriál, José Reis sei halo konsolidasaum iha ministériu laran atu halo planu di'ak ba ordenamentu teritoriál.


"Hasoru-malu ho Primeiru Ministru, Taur Matan Ruak, atu hatene loloos orientasaun husi Primeiru Ministru nian kona-ba Ministériu Planu Ordenamentu ne'ebe hau asegura para bele halo planu ida hodi ba oin bele di'ak liután", dehan nia hafoin hasoru-malu ho Primeiru Ministru, Taur Matan Ruak, iha Palasiu Governu, Segunda (29/6).

Ministériu ne'e foun no transformasaun husi Ministériu Planu no Investimentu Estratéjiku (MPIE), nune'e presiza semana ka fulan ida atu konsolida ho ministériu hodi fó planu ne'ebé iha atu kontaktu ho ajénsia sira ne'ebe iha ministériu nia okos.

"Hanesan Ajénsia Dezenvolvimentu Nasionál ho tan Sekretariadu Grande Projetu uluk iha hotu komisaun aprovizionamentu, maibé agora muda ba finansas", dehan nia.

Orientasaun ne'ebé Primeiru Ministru fó maka halo uluk konsolida ba ministériu ne'e rasik no depois haree fali ba planu ordenamentu teritoriál. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.