PR Lú-Olo Ezonera Ona MG Na'in 8 Maioria Husi CNRT

Prezidente da Republika, Francisco Guterres Lu Olo hatoo mensajen ba Nasaun iha fulan Maiu Prezidente da Republika, Francisco Guterres Lu Olo hatoo mensajen ba Nasaun iha fulan Maiu Foto Midia PR

Tempotimor (Dili)-Prezidente Repúblika (PR) Francisco Guterres Lú-Olo liuhusi Dekretu Prezidente Repúblika ezonera ona membru governu na'in ualu, nai nen husi Partidu Kongresu Nasionál Rekonstrusaun Timor (CNRT) no rua seluk husi Partidu KHUNTO ne'ebé antes ne'e hola parte iha governu daualu durante tinan rua nia laran.

Tuir komunikadu ne'ebé tempotimor.com asesu katak, PR Lú-Olo ezonera membru governu sira ne'e bazeia ba dekretu Prezidente Repúblika nú. 45/2020, 46/2020, 47/2020, 48/2020, 49/2020, 50/2020, 51/2020, 52/2020, no 38/2020 hodi ezonera membru governu daualu husi P-CNRT husi ninian funsaun.

Entretantu Membru Governu na’in ualu ne’ebé hetan ezonerasaun husi Prezidente Repúblika mak Ministru Negosius Estranjeirus no Kooperasaun (MNEK), Dionísio da Costa Babo Soares, Ministra Edukasaun Juventude no Desportu (MEJD), Dulce de Jesus Soares, Vise-Ministru Edukasaun Juventude no Desportu (vise-MEJD), João Zacarias Freitas Soares, Vise-Ministru Administrasaun Estatal (Vise-MAE), Abílio José Caetano, Sekretáriu Estadu ba Juventude no Desportu (SEJD), Nélio Isaac Sarmento, Sekretáriu Estadu ba Formasaun Profisionál no Empregu (SEFOPE), Juliâo da Silva, Sekretáriu Estadu ba Kooperativas (SEKoop), Arsenio Pereira da Silva, Sekretáriu Estadu ba Protesaun Sivíl, (SEPS) Alexandrino Xavier Araújo.

Entretantu dekretu Prezidente Repúblika ne'e asina iha 23 juñu 2020, iha Palásiu Prezidensiál Nicolau Lobato Dili.

Rate this item
(2 votes)
Last modified on Tuesday, 23 June 2020 15:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.