Print this page

‘Dook iha Matan Ruak nia Matan besik iha Fuan!’ Taur Felizita Xanana

Xanana Gusmao ho Taur Matan Ruak iha kampania EA 2018 Xanana Gusmao ho Taur Matan Ruak iha kampania EA 2018 Foto arkivu

Tempotimor (Dili)- Horisehik (20 juñu 2020), líder nasionál Kay Rala Xanana Gusmão selebra tinan moris nian ba dala 74, no hetan felisitasaun husi atuál Primeiru Ministru (PM), Taur Matan Ruak, ho espresaun ‘Dook iha matan besik iha Fuan!.

“Saúde no felisidade! Longa Vida! Parabéns Maun Boot! Dook iha Matan besik iha Fuan! Hosi alin amado, Taur Matan Ruak”, haktuir komunikadu ne’ebé Tempo Timor.com asesu iha loron Sábadu (20/06).

Taur Matan Ruak hato’o dezeju no ksolok moris naruk nian ba Kay Rala Xanana Gusmao,  ho esperansa atu hamutuk nafatin luta ba moris diak povu nian.

"Dezeju saúde di’ak no vida naruk nafatin hodi hamutuk serbí ita-nia rai doben Timor-Leste tanba sei iha misaun boot ne’ebé ita presija atu konkista, mak moris di’ak ba ita-nia povu. Atu konkista ida ne'e, presija ita-nia hamutuk, independentemente iha diferénsia hanoin no vizaun", dehan PM Taur iha komunikadu ne’e. 

Kay Rala Xanana Gusmão moris iha munisípiu Manatutu iha tinan 1946, ho nia alin mane na’in ida no nia feton na’in lima.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items