Print this page

Olinda sei La husu Deskulpa ba Lia-fuan Xina Pirata

Deputada KHUNTO, Olinda Guterres ko'alia ba jornalista sira iha PN Deputada KHUNTO, Olinda Guterres ko'alia ba jornalista sira iha PN Foto File

Tempotimor (Dili)-Xefe Bankada KHUNTO Olinda Guterres deklara sei la husu deskulpa ba deputada bankada CNRT Fernanda Lay maske nia lia-fuan mak provoka deputada CNRT halo asaun.

Iha diskusaun entre Olinda ho Fernanda iha Kuarta (17/06), deputada Olinda hasai lia-fuan “Xina Pirata” (bajak laut Cina). Lia-fuan ne’e halo deputada CNRT raan sa’e no hakat ba rakut-malu.

Maske hasai ona lia-fuan ne’e, maibé Olinda dehan nia sei la husu deskulpa tanba kadeira partidu KHUNTO iha PN la’os impresta husi ema seluk, maibé tanba hetan fiar husi povu.

"Ha’u ba husu fali deskulpa halo saida, kadeira lima ne'e partidu KHUNTO no ha’u mak lori rasik mai, ha’u la'os impresta ema seluk nia kadeira par husu deskulpa par ba tuur fali ninian, ne'e lae,” dehan nia iha PN, Kinta (18/06).

Tuir Olinda, nia sei simu bainhira deputada Fernanda mak ho fuan boot husu deskulpa ba nia.

“Karik sira mak hakarak husu deskulpa ha’u simu, ha’u mak atu ba husu fali deskulpa ne'e lae," dehan nia.

Entretantu, iha fatin ketak, deputada CNRT Fernanda Lay husu ba deputada Olinda atu husu deskulpa ba aktu ne'ebé halo horseik.

"Nia tenke husu deskulpa tanba horseik ne'e transmisaun direita, nune'e husu deskulpa la'os fasil, tanba ita ema kuandu ko'alia hanoin uluk mak ko'alia, labele ko'alia tiha mak arrepende," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items