Durante enkontru semanál ho Prezidente Republika (PR), Francisco Guterres Lú Olo, Primeiru Ministru (PM), Taur Matan Ruak informa mós kestaun ne’e, katak, governu kontinua buka meiu oinsa deporta sira fila.
"Situasaun sidadaun Vietnam na'in 11 no sidadaun Indonézia na'in rua ne'e, dadaun ne'e ita trata ka haree hela atu halo nusa maka haruka fila fali ba sira nian rain," dehan PM Taur iha Palásiu Prezidensiál Aitarak Laran Dili, Kinta (18/06).
Entretantu sidadaun na'in 13 ne'e kompostu husi mane na'in 10 feto na'in 3, tama teritóriu nasionál iha illa Jaco, iha loron (12/06) , ho sira nia Ró rasik no oras ne’e submeter hela ba kuarentena iha Dili.