Login to your account

Username *
Password *
Remember Me

“Funu” Olinda vs Fernanda Kontinua

Deputada CNRT, Fernanda Lay ho Deputada Olinda Guterres rakut malu iha Plenaria Parlamentu Nasional (16/6) Deputada CNRT, Fernanda Lay ho Deputada Olinda Guterres rakut malu iha Plenaria Parlamentu Nasional (16/6) Foto file

Tempotimor (Dili)-Hafoin rakut-malu iha plenaria Parlamentu Nasionál iha Kuarta (17/06), deputada bankada KHUNTO Olinda Guterres no deputada bankada CNRT Fernanda Lay kontinua “funu”.

Lian portugues sai nu’udar inisiu husi “funu” entre deputada na’in rua ne’e. Olinda husu ba Fenanda atu koalia tetun iha plenaria PN tanba la kompriende lian portugues, maibé Fernanda fó razaun konstitusional, no ikus mai deputada na’in rua ne’e soe lia ba malu no remata ho rakut malu.

La satisfas ho asaun ne’ebé mosu iha Kuarta, iha Kinta deputada Fernanda Lay “sadik” fila fali deputada Olinda.

Deputada CNRT ne’e haruka deputada KHUNTO atu tuir kursu portugues atu bele intende no kompriende lian ne’e bainhira deputadu sira seluk koalia lian refere iha plenaria PN.

"Se sente iha difikuldade ba lingua portugues ba partisipa iha aulas, nune'e ha’u hanoin iha mekanismu oioin par aprende portugues," dehan Fernanda Lay liu husi konferensia imprensa iha PN, Kinta (18/06).

Tuir nia, deputadu sira iha PN presiza hatene lian portugues atu bele diskuti klean lei no programa ruma ne’ebé hakerek ho lian portugues.

Hatan ba kestaun ne’e, deputada Olinda hatete, nia la presiza aprende tan lian portugues tanba nia idade boot ona.

Tan ne’e, nia husu ba deputadu sira iha PN atu di’ak liu koalia lian tetun, la’os de’it tanba deputada hanesan nia mak la kompriende, maibé tanba povu baibain barak mós la kompriende lian portugues.

Kona-ba asaun iha Kuarta, Olinda dehan, mosu dezintedimentu entre nia ho deputada Fernanda Lay no nia hasai lia-fuan balun ne’ebé halo deputada Fernanda la simu.

“Ha’u hirus hodi koalia duni Xi** pirata (bajak laut) ba nia, maibe la'os ho fuan no laran," dehan Olinda.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter