“Ha’u tau duni ema buka ba buka iha fatin hotu-hotu maibé sira la konsege hetan nia (Emilia Pires) iha ne’ebá, tanba nia la rejista iha embaixada hanesan timoroan” dehan Embaixadora Maria Paixao, iha Palásiu Prezidensiál Bairru-Pite, Tersa (5/3).
Timoroan hotu-hotu ne’ebé rejistu iha embaixada hanesan timoroan, iha númeru telefone, email, diresaun no fasil bainhira sira atu ba buka. Maibé Emilia Pires ba iha ne’eba hela iha ne’ebé mós embaixadora la hatene.
“Nia ba hela ha ne’eba ne’e halo saida mós embaixadora la hatene, tanba ne’e problema ninian", tenik Maria.
Parte embaixada nian buka arguidu ne'e dala tolu maibe nunka hetan ninia pardeiru loloos. Ne'e duni, eaforsu hotu halo ona maibe labele hetan duni Emilia tuir pedidu Governu nian.
Abraç M. D. Ximenes estudante Unversitariu ida iha Dili lamenta ho deklarasaun husi eis embaixadora nee.
“Ha’u sente mo’e no sokadu ho deklarasaun husi ema bo’ot ida hanesan ne’e. Eis dura besar (eis embaixadora) ne’e dála nia la hatene mas nia koko subar lia los ba publiku kona ba Rmilia nia subar iha Portugal,” dehan estudante husi fakuldade direito e’e.
Nia mos lamenta ho nasaun belun Portugal sai hanesan fatin furak ba ema halo sala iha Timor Leste ho ba haksumik aan.
“Ha’u hanoin governu no ukun na’in sira iha Portugal tenke loopera ho Timor Leste nia justiça atu deporta hikas arguida ne’e mai Timor Leste ou sira hakarak halo Portugal sai lalehan ba ema sira kontra justiça iha Timor Leste ba subar a’an ba,” dehan Abrao.