Print this page

Arsenio ho Alkatiri sei Ajuda PM Taur Rezolve Ro Haksolok

Ro Haksolok Ro Haksolok Foto ZEESM

Tempotimor (Dili)-Prezidente Autoriedade Rejiaun Administrativa Espesiál Oekusse-Ambeno (RAEOA) no Zona Espesiál Ekonomika Sosiál Merkadu (ZEESM) Arsenio Paixão Bano deklara sei ajuda Primeiru Ministru Taur Matan Ruak hodi resolve problema ro haksolok.

Arsenio dehan, daudauk ne’e PM Taur mak toma konta situasaun ro Haksolok, tan ne’e nia ho eis PA RAEOA Mari Alkatiri sei sei apoiu hodi lori Ró Haksolok mai Timor-Leste.

"Ha'u ko'alia tiha ona ho PM, nia aseita entaun sei hamutuk ho rejiaun, entaun ami garantia katak Ró Haksolok sei rezolve. Tanba Ró Haksolok iha PM nia liman, entaun ami sei apoiu, ami hakarak Ró Haksolok mai Timor-Leste."

"Dotór Marí Alkatiri mós sei apoiu, maibé hanesan dehan, PM sei ajuda toma konta," dehan Arsenio ba jornalista sira iha Palásiu Prezidensiál Bairu-pite Dili, Segunda (15/06).

Tuir Arsenio, maske empreza ne’ebé konstrui Ro Haksolok lulun biti, maibé Ro Haksolok nafatin Timor-Leste ninian, tan ne’e sei haree atu kompleta orsamentu adisional.

"Osan rihun $13 ne'e ita tenke estuda par halo kompleta, maibé atu kompleta hira ha'u sei check, tanba ha'u foin tama horseik imi hakarak buat hotu detallu," dehan nia.

Entretantu, empreza Atlantic Eagle nu’udar empreza ne’ebé konstrui Ro Haksolok, maibé empreza ne’e lulun biti ona, no kazu Ró Haksolok rasik rasik iha ona Tribunal Coimbra.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items