Tempotimor (Dili)-Primeiru Ministru Taur Matan Ruak informa, lista membru governu (MG) foun na’in 19 iha ona gabinete Prezidente Repúblika (PR).
PM Taur dehan, nomeiasaun ba MG foun na’in 19 ne’e remata ona iha 28 Maiu 2020 no nia parte aprezenta ona ba PR Francisco Guterres Lu Olo.
"Lista membru governu foun ba toma pose faze daruak nian iha ona sua eselénsia PR nia gabinete, kuandu marka loron hodi toma pose, prontu ita-boot sira sei hatene," dehan PM Taur iha Palásiu Prezidensiál Bairu-pite Dili, Segunda (15/06).
Tuir lista, PM Taur dehan, iha membru governu na’in 19 mak sei simu pose hodi kompleta estrutura governu daualu.