PM Taur hato’o asuntu ne’e ba jornalista sira, hafoin fó pose ba Arsénio Bano nu’udár Prezidente Autoridade foun, iha palasiu governu, Sesta (12/06).
"José Luis Guterres sai husi Oecusse Ambeno tanba iha ona konjuntura polítika foun. Nomeasaun uluk ne'e husi koligasaun tuan, maibé agora ne'e iha ona koligasaun foun," Taur hateten.
Taur mós esplika katak, bainhira iha ona konsensu foun, entaun tenke adapta ba situasaun, buka intende malu, nune’e bele rezolve problema sira ne'e la ho provokasaun ruma.
Entretantu, José Luis Guterres nomeia husi Konsellu Ministru ne'ebé ukun husi CNRT, PLP no KHUNTO, no hetan pose husi Primeiru Ministru (PM) Taur Matan Ruak iha Palásiu Governu loron 13 Novembru 2019 no ezonera husi Konsellu Ministru (KM) ne'ebé ukun husi Fretilin, PLP no KHUNTO iha loron 10 Juñu 2020.