Login to your account

Username *
Password *
Remember Me

Carmelita 'Hamulak Malisan' Husi  Arão Da'et Aniceto

Deputada CNRT Carmelita Moniz iha plenaria Parlamentu Nasional Deputada CNRT Carmelita Moniz iha plenaria Parlamentu Nasional Foto Suplai

Tempotimor (Dili)-Deputada Carmelita Moniz ho lian sinista fo xamada atensaun ba atuál Prezidente Parlamentu Nasionál (PPN) Aniceto Longunhos Guterres hodi husu atu kaer metin kadeira PPN, tanba roda polítika sei la'o.

"Uluk iha 2017 ami la halo asaun ne'ebé ita boot sira halo iha loron 18 no 19 maiu 2020, tanba ami respeita tebes artigu 17 no 22 Rejimentu Parlamentu Nasionál (PN), maibé agora dadauk ha'u haree katak artigu rua ne'e laiha ona efeitu," dehan deputada Carmelita Moniz iha plenária PN, Tersa (02/06).

Nia mós husu ba Prezidente Parlamentu Nasionál (PPN) Aniceto Longunhos Guterres atu kaer metin kadeira ne'ebé nia tuur hanesan prezidente.

"Ha'u husu ba ita boot, kaer didi'ak fuansaun ida ne'e, kaer didi'ak kadeira ida ne'e, tanba se lae kuandu iha buat ruma vise PPN sei laiha delegasaun kompeténsia husi ita boot tuir rejimentu PN haruka, bele mai konvoka reuniaun no deside buat ida de'it basta plenária aprova," dehan Carmelita

Deputada ne'e afirma, mezmu tribunal rekursu nia desizaun ba CNRT la tuir K-RDTL. 

"Mezmu desizaun TR nia la tama iha lójika hanoin de'it bele mós liuhusi lójika legál. Tanba desizaun TR tuir ami la tuir konstituisaun RDTL no rejimentu Parlamentu Nasionál (RPN)," dehan Carmelita

Carmelita mós husu Aniceto atu kaer metin kadeira PPN nian.

"Dala ida tan ha'u fó hanoin ba ita boot, kaer metin ita boot nia kadeira ne'e, keta halo buat nee akontese fali ba ita boot, iha fali aban bainrua," dehan Carmelita.

Hatán ba deklarasaun ne'e PPN Aniceto Longunhos Guterres katak, "Atu hatete de'it, karik ha'u ilegál iha ne'e, maibé ha'u iha lejitimidade demokrátika dala rua, ha'u iha bankada Fretilin maiória iha PN, 23 asentu, bainhira ha'u kandidata aan iha deputadu na'in 33 mak kandidata ha'u, no hetan 40 votus," dehan Aniceto..

PPN mós akresenta, CNRT dehan PPN atual ilegál, maibé PPN la hola ba lia.

"Karik imi dehan ha'u iha ne'e ilegál, maibé ha'u kontente bainhira ita bot sira mai tuur ona iha ne'e, komesa ona hautudu maturidade polítika," dehan PPN.

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter