Print this page
Politika

PR Lu Olo: Kbiit husi PN Fó Lejitimidade ba Governu Daualu

By May 29, 2020 2442
Prezidente Francisco Guterres Lu Olo asina termu de pose Vise Primeira Ministra, Armanda Berta iha seremonia tomada pose Membru VIII Governu Konstitusional iha Palasiu Prezidensial Dili (29/5) Prezidente Francisco Guterres Lu Olo asina termu de pose Vise Primeira Ministra, Armanda Berta iha seremonia tomada pose Membru VIII Governu Konstitusional iha Palasiu Prezidensial Dili (29/5) Foto Midia PR

Tempotimor (Dili)-Prezidente Repúblika (PR) Francisco Guterres Lu Olo hatete, governu konstitusional daualu ne’ebé lidera husi Primeiru Ministru Taur Matan Ruak iha lejitimidade konstitusional tanba hetan kbiit husi Parlamentu Nasionál.

Xefe Estadu ne’e hatete, maioria parlamentar foun ne’ebé mosu hodi fó apoiu ba governu daualu ne’e mak fó kbiit ba lejitimidade konstitusional governu ne’e.

"Governu ida ne’e iha lejitimidade konstitusionál no kbiit ida ne’e mai husi Parlamentu Nasional (PN), ne'ebé maioria foun ida mosu no fó dadaun ona apoiu ba governu ida ne’e," dehan PR Lu Olo liu husi ninia diskursu iha iha serimonia pose ba membru governu na’in 8 iha Palásiu Prezidensiál Nicolau Lobato, Bairu-pite Dili, Sesta (29/05).

Ho apoiu husi PN ne’e, Xefe Estadu ne’e fiar katak governu daualu sei metin to’o ninia mandatu remata iha 2023.

"Vlll governu hetan ona tanen husi maioria parlamentár ida no bele ukun to’o mandatu ramata," dehan Lu Olo.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(0 votes)
Last modified on Friday, 29 May 2020 19:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com