Lu Olo Ezonera Membru Governu na’in 3

Prezidente da Republika ko;alia ba Nasaun iha palasiu Prezidensial iha Dili (28/5) Prezidente da Republika ko;alia ba Nasaun iha palasiu Prezidensial iha Dili (28/5) Foto Mídia PR.

Tempotimor (Dili)-Prezidente Repúblika Francisco Guterres Lu Olo liu husi Dekretu Prezidente Repúblika nú. 36/2020, 37/2020, no 38/2020 ezonera membru Governu Konstitusionál daualu na’in tolu.

Tuir komunikadu husi palasiu prezidensial ne’ebé www.tempotimor.com asesu, Kinta (28/05), PR deklara ezonera ona Ministru Estadu Prezidénsia ba Konsellu Ministru Hermengildo Augusto Perreira, Ministru Reforma Lejislativa no Assuntu Parlamentar Fidelis Magalhães, no Ministru Agrikultura no Peskas Joaquim Gusmão Martins.

Ministru Hermenegildo Augusto Perreira rezigna an husi nia kargu tan ba Fidelis Magalhaes hetan fali nomeasaun ba kargu Ministru ba Prezidénsia Konsellu Ministru. Ministru Fidelis hetan mudansa kargu hafoin Lei Orgánika foun Governu daualu nian hasai pasta Ministru Reforma Lejislativa no Assuntu Parlamentár.

Entretantu, tuir planu, membru governu foun na’in 8 sei simu pose iha Sesta (29/05) tuku 10:00 oras Timor-Leste, iha palasiu prezidensial Nicolau Lobato Dili.

Membru governu hirak ne’ebé sei simu pose mak Ministru ba Prezidénsia Konsellu Ministru, Fidelis Magalhaes, Ministru ba Assuntu Parlamentares no Komunikasaun Sosiál , Francisco Martins da Costa Perreira Jerónimo, Ministru Finansas Fernando Hanjam, Ministru Administrasaun Estatal Miguel Pereira de Carvalho, Ministra Saúde Odete Maria Freitas Belo, Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’, no Ministru Agrikultura no Peskas Pedro dos Reis.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

Rate this item
(2 votes)
Last modified on Friday, 29 May 2020 12:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.