Traisaun KHUNTO ho PD “Hakanek” CNRT

Vise Xefe Bankada CNRT, Patrocino Fernandes ko'alia ba joranlista sira iha resintu Paralmentu Nasional (28/5) Vise Xefe Bankada CNRT, Patrocino Fernandes ko'alia ba joranlista sira iha resintu Paralmentu Nasional (28/5) Foto Tempo Timor

Temopotimor (Dili)-Partidu Demokratiku (PD) hasai karta ida hodi deklara fó apoiu ba kualker governu ne’ebé eziste. Maske iha karta ne’e PD la deklara direitamente retira an husi koligasaun Aliansa Maioria Parlamentar (AMP) foun ne’ebé lidera husi partidu CNRT, maibé deklarasaun ne’e sai sinal katak PD dada aan ona.

Relasiona ho karta PD ho númeru referensia 28/V/PD/2020 ne’ebé asina husi Prezidente PD Mariano Assanami Sabino ne’ebé sirkula iha facebook, 27 Maiu 2020, deputadu bankada CNRT Patrocino Fernandes konsidera nu’udar hahalok traisaun.

"Partidu KHUNTO ho PD mak kontribui par koligasaun foun la priense ona rekezitus maioria parlamentar, ne'e propriu partidu rua ne'e rasik halo traisaun ba koligasaun par depois la priense rekezitus maioria parlamentar," dehan Patrocino iha Parlamentu Nasional, Kinta (28/05).

Maske iha ona desizaun husi PD, maibé tuir deputadu CNRT ne’e, juridikamente PD ho KHUNTO sei hola parte iha AMP foun.

"PD haruka ona karta ida ba Prezidente Partidu CNRT Kay Rala Xanana Gusmao atu retira husi koligasaun foun, sim, mais ate momentu, menutu ida ne'e, seidauk hatene karta formal, maibé espalla ona karta ida Prezidente Partidu PD nian, prontu ida ne'e se ita hakarak haree tuir Lei, tuir orientasaun ninian, ha’ dehan intermus juridiku sei vinkula, agora sira sai tanba opsaun postura politika foun, tanba ohin loron ema hotu-hotu hakarak poder," dehan nia.

Tan ne’e, nia dehan, bainhira PD no KHUNTO hakarak sai husi koligasaun tenke halo konferensia, tanba antes ne'e atu tama koligasaun mós determia liu husi konferensia ida.

"Koligasaun hahú ho konferensia tuir Lei partidu politiku, depois atu sai mós tenke halo konferensia ruma," dehan nia.

 

VIDEO PUBLISIDADE APELU HUSI PM TAUR APLAUS BA FRONT LINE

Rate this item
(0 votes)
Last modified on Friday, 29 May 2020 12:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.