PR Lú-Olo Dekreta Estensaun EE Ba Periodu Datolu

Tempotimor (Dili)-Hafoin Parlamentu Nasionál (PN) halo aprovasaun no autoriza Prezidente Repúblika (PR) Francisco Guterres Lú-Olo atu dekreta kontinuidade ba estadu emerjénsia durante loron tolunulu tan, maka liu de'it oras rua PR Lú-Olo dekreta tiha ona estensaun ba estadu emerjénsia ba periodu datolu.

Dekretu Prezidente Repúblika (PR) nian ne'ebé PR Lú-Olo dekreta ona no ofesialmente publika tiha ona iha Jornal da Repúblika mak dekretu PR númeru 35/2020.

Entretantu estensaun estadu emerjénsia ba periodu datolu, sei fuansiona iha oras 00:00 loron 28 maiu 2020 to'o oras 23:59 loron 26 juñu 2020.

Entretantu Parlamentu Nasionál nia autorizaun ba PR hodi dekreta kontinuidade estadu emerjénsia ne'e ho votus a favór 40, kontra 1 abstensaun zero no deputadu 24 mak auzente iha debate estensaun ba estadu emerjénsia datoluk ne'e.

Entretantu observasaun tempotimor.com nian iha terenu katak PN aprova pedidu PR nian kona-ba estensaun estadu emerjénsia nian iha loron kuarta-feira (27/05) tuku 16:28, depois tama iha tuku 18:14 PR Lú-Olo dekreta ona estensaun estadu emerjénsia no ofesialmente públika ona iha Jornal da Repúblika.

 

VIDEO PUBLISIDADE APELU HUSI PM TAUR APLAUS BA FRONT LINE

Rate this item
(0 votes)
Last modified on Wednesday, 27 May 2020 21:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.