PM Taur iha ninia aprezentasaun durante plenaria ba estensaun EE faze datoluk hatete, maske TL konsege ona netraliza kazu ativu Covid-19, maibé virus ne’e seidauk hotu, tanba nasaun sira iha mundu, liu-liu nasaun viziñu sira transmisaun virus ne’e sei maka’as.
Tan ne’e, nia hatete, estadu TL presiza estende EE dala ida tan hodi bele evita transmisaun Covid-19 husi rai li’ur.
“Medidas de implementasaun estadu emerjensia ba dala rua, iha primeira faze ne’e ami maka’as uitoan, iha segundu faze ne’e relaixa, uza prinsipiu proporsionalidade ho proversibilidade, i terseiru faze ne’e ami relaixa liu tan”.
“Purezemplu, misa sira bele kontinua, eskola sira haree posibilidade, dezde ke tuir regra sira hotu ne’ebé iha, atividades ekonomikus bele la’o fila fali,” deklara PM Taur iha PN, Kuarta (27/05).
PM Taur dehan, ba EE faze datoluk ne’e sei konsentra liu ba sirkulasaun internasionál, limite liberdade sirkulasaun, no direitu rejistensia.
“Ami-nia medidas ne’ebé duru ne’e sei konsentra ba aspeitu tolu; ida mak sirkulasaun internasional, signifika liga ba ita-nia fronteira sira; segundu mak liberdade sirkulasaun, katak iha limites, tanba tenke fó kapasidade ba ita atu kontrola no karik iha nesesidade ita bele indorense ho medidas restetiva liu tan, terseiru mak direitu rezistensia,” Taur esplika.
VIDEO PUBLISIDADE APELU HUSI PM TAUR APLAUS BA FRONT LINE