Sekretaria Meza PN Husi Fretilin No Vise-Sekretaria KHUNTO

Temopotimor (Dili)- Sekretaria meza Parlamentu Nasional ne'ebe dadaun mak deputada husi banka FRETILIN Lidia Norberta no Vise-Sekretaria primeiru deputadu Antonio Nobre husi bankada KHUNTO no Vise-Sekretaria sigundu mantein nafatin Rezina Freitas husi partidu PLP.

"Sekretaria los tiha ona, ne'e klaru ona Sekretaria Meza Parlamentu Nasional mak deputada FRETILIN nian Lidia Norberta, Vise-Sekretaria primeiru mak deputadu Antonio Nobre no Vise-Sekretaria sigundu mak mantein nafatin Deputada Rezina Freitas", dehan Deputadu bankada KHUNTO Olinda Guteres iha resintu Parlamentu Nasional, tersa (26/5).

"Horseik hau ba hasoru konsileiru hatete, delega deputadu Antonio Nobre ba Vise-Sekretaria primeiru meza Parlamentu Nasional, tanba ne'e mak ohin hau aprezenta ona iha intervensaun plenaria", Nia hatutan

Deputada ne'e afirma, naran ba Kandidatu sira ba meza Parlamentu Nasional ne'e orsida mak sei hatama rekerimentu.

"Orsida mak hatama rekerimentu, tanba naran orseik ne'e la kompletu, tanba ne'e orsida lokraik halo los hotu ona", tenik Nia

Alende ne'e mos Deputada Olinda sei asume kargu sefe bankada KHUNTO no sai mos Prezidente ba Komisaun D iha Parlamentu Nasional.

"Iha ne'e hau okupa kargu sefe bankada KHUNTO no kandidatu ba Prezidente komisaun D",

Deputadu husi bankada KHUNTO ko'alia tuir orientasaun husi konsileiru masimu Jose do Santos Naimori Bucar, tanba ne'e iha ona orientasaun mak ami fo sai dadauk.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.