Login to your account

Username *
Password *
Remember Me

Hela Loron 5 EE Daruak Remata, Osan Rihun $500 Ba PN Seidauk Ezekuta

Sekretária-Jerál Parlamentu Nasionál (SJPN) Cedelizia Faria dos Santos, ko'alia ba Jornalista sira iha nia Kna'ar fatin iha Parlamentu Nasional Sekretária-Jerál Parlamentu Nasionál (SJPN) Cedelizia Faria dos Santos, ko'alia ba Jornalista sira iha nia Kna'ar fatin iha Parlamentu Nasional Foto Arkivu

Tempotimor (Dili)-Bazeia ba orsamentu ne'ebé Parlamentu Nasionál (PN) aprova iha loron 25 marsu 2020, ho pedidu urjénsia hodi Governu foti osan direta husi fundu petrolíferu ho montante tokon $250, ne'ebé tokon $150 ba fundu Covid-19 no tokon $100 ba tezouru, inklui husi fundu Covid-19 ne'ebé PN aprova hela osan rihun $500 ba PN hodi halo fiskalizasaun mak to'o agora PN Seidauk ezekuta, tanba seidauk hetan aprovasaun husi parte relevante.

Tuir Sekretária-Jerál Parlamentu Nasionál (SJPN) Cedelizia Faria dos Santos katak, osan rihun $500 ba PN Seidauk uza sentavus ida.

"Osan rihun $500 husi fundu Covid-19 ne'ebé aprova ba PN, to'o agora ami seidauk ezekuta, tanba tuir sistema iha ne'e nian, tenke liuhusi reuniaun Konsellu Administrasaun para aprova lai, hafoin ezekuta," dehan SJPN Cedelizia Faria dos Santos ba jornalista sira, iha PN, Sesta (22/05)

"To'o agora seidauk iha reuniaun Konsellu Administrasaun no seidauk hetan aprovasaun, entaun PN seidauk gasta nem sentavus ida, to'o agora," dehan Cedelizia 

Maibé antes ne'e bankada Khunto deklara ona katak, osan rihun $500 ba fali kofre Estadu.

"Husi bankada Khunto nia haree hanesan ne'e, osan rihun $500 ne'ebé mak koloka mai iha Parlamentu atu halo fiskalizasaun ba Covid-19 nian, to'o agora seidauk implementa ida. Agora ne'e mós besik tama ona fulan klaran maiu ninian, ne'ebé di'ak liu osan ida rihun $500 ba PN ne'e di'ak liu tau fila ba kofre Estadu, tanba PN la halo nia servisu," dehan deputadu Khunto Luis Roberto iha PN ba jornalista sira, Tersa (12/05) 

Khunto mós dehan, atu ezekuta osan refere, deputadu sira tenke hala'o ninia servisu.

"Ha'u hakarak deputadu sira hala'o ninia knaar mak bele uza osan ne'e, mais durante ne'e mak abandona de'it no la halo servisu, osan ne'e tenke fila ba kofre estadu," tenik deputadu Luis

Entretantu orsamentu ne'ebé aprova ba PN hodi halo fiskalizasaun ba servisu Governu nian, liu-liu iha situasaun Covid-19, deputadu sira fó votus a favór  36 kontra 28 no abstensaun ida.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(1 Vote)
Last modified on Sunday, 24 May 2020 00:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter