MF Asina Akordu ho OIT Apoiu Governu Fó Subsidiu ba Uma-kain iha TL

Palasiu Governu Timor Leste Palasiu Governu Timor Leste Foto Arkivu

Tempotimor (Dili)- Ministra Finansas Sara Lobo asina akordu ho Organizasaun Internasional Traballu (OIT) ne’ebé sei oferese apoiu orsamentu hamutuk rihun $ 748 ba implementasaun subsidiu ba uma-kain iha Timor-Leste.

Ministru Reforma Legislativa Asuntu Parlamentar (MRLAP) Fidelis Mauel Leite Magalhaes informa, projetu deliberasaun ne'e aprezenta husi Ministra Finansas Sara Lobo kona-ba autorizasaun selebrasaun akordu ida entre Timor-Leste ho OIT.

"Projetu deliberasaun ne'e ohin aprova ona husi konsellu Ministru no ninia ambitu mak kona-ba kombate Covid-19, entaun Organizasaun Internasional Traballu fó suporta ka apoiu finanseiru ba transferensia osan ba uma-kain i liu-liu ba uma-kain sira ne'ebé ho rendimentu ki'ik," dehan Fidelis hafoin reuniaun Konsellu Ministru iha edifisiu Ministeriu Finansas Aitarak-Laran, Kinta (21/05).

Nia afirma, apoiu orsamentu husi OIT ne’e atu finansia kustu operasional ba implementasaun agregadu ba uma-kain sira iha TL.

"Eentaun osan ne'e sei fó ba iha governu Timor-Leste atu apoiu ba iha ita-nia implementasaun ne'e atu fó ba kada uma-kain,” nia reforsa.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(0 votes)
Last modified on Friday, 22 May 2020 07:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.