"Bankada Parlamentár hotu konkorda katak, meza ne'ebé sobu tiha ona ne'e tenke harii foun, harii fila fali no tenke hatuur ho lisan Timor nian, sei halo lisan ida," PPN eleitu Aniceto Longunhos Guterres Lopes hafoin remata enkontru ho lider bankada sira iha salaun konferénsia PN, Kinta (21/05).
VIDEO PUBLISIDADE APELU HUSI PM TAUR APLAUS BA FRONT LINE
Nia mós afirma, atu harii fali meza foun la'ós lalais maibé sei lori tempu dala ruma to'o fulan mak bele remata.
"Ami sei prepara para oinsa mak ritual ne'e la'o fulan ida ka fulan rua, mais klaru kee labele semana, sei to'o fulan tanba sei lori lia na'in ka fukun sira husi Timor laran ne'e, nu minimu husi munisípiu 13 ne'e mak mai para hafoin fila fali ida ne'ebé uluk hatuur tuir lisan Timor nian," nia dehan
Nia mós afirma, meza ne'e sai fukun tanba harii ho kultura Timor nian.
"Momentu ne'ebá dehan, sai tiha uma fukun ne'e tanba fukun Timor nian ne'e mai hotu, hodi harii tiha meza ne'e," nia dehan
Entretantu meza ne'ebé iha ne'e la'ós tau meza hanesan baibain, maibé lori kultura Timor nian ne'e mak harii, ne'ebé agora estragu hanesan ne'e, Mak bankada hotu konkorda katak tenke halo duni ritual hanesan uluk. Tanba ne'e sei to'o fulan tanba sei haree ba nia prosedimentu hotu oinsa mak ritual ne'e bele la'o.