"Orsida loraik konseilu Ministru sei desidi kalendariu orsamental no mos aban sei aprezentasaun iha Sentru Integradu Jestaun Krizi SIJK kona-ba evolusaun Covid-19 iha ita nia rain no posibilidade saida mak Ita atu hakat ba oin",dehan PM taur hafoin hasoru-malu ho Prezidente Republika iha palasiu prezidensial bairo-pite, kinta (21/5).
Kongratula esforsu Parlamentu Nasional nian konsege ultrapasa problema sira ne'ebe ezisti, infelizmente iha problema ituan maibe hanesan baibain ita dehan bee kuandu fakar ona, ita lalika tanis tuir bee ne'ebe fakar ona, maibe oinsa mak atu hare ba oin.
"Hanesan lidera orgaun ezekutivu hakarak Parlamentu Nasional estabelese fila-fali la'o normal, tanba hau hakarak lori orsamentu ba aprezenta, tanba ita nia nasaun labele funsiona ho duadesimu tanba ne'e ita hakarak reativa fila-fali ita nia ekonomia hodi povu bele mosris la'o diak", PM dehan
Primeiru Ministru atual mos afirma, ohin hala'o enkontru semenal ho Prezidente Republika atu informa situasaun geral ne'ebe la'o iha rai laran.
"Ohin enkontru semenal ho Prezidente Republika informa situasaun geral no informa atividade saida mak ami hakarak halo iha tempu oin mai",tenik PM
Xefe governu akresenta, situasaun geral informa ba Prezidente Republika iha problema ki'ik balun maibe situasaun geral no seguransa iha rai laran la'o diak hotu.
Alende ne'e mos Primeiru Ministru afirma, Kalendariu atu pose membru governu sira Prezidente Republika mak estabelese, governu hein kumpri ordem de'it.
"Kalendariu ne'e estabelese husi Prezidente Republika, ami governu kumpri ordem de'it",
PM relata, la iha Intensaun atu hasai mebru governu ne'ebe mai husi Partidu CNRT, maibe iha balun, tomada de pose ita sei hare se mak sai no se mak la sai.
"Em prinsipiu lae, mais iha balun sei bok tomada de pose mak ita hare se mak sai no se mak hela no servisu oinsa", PM relata