“Governu ninia kompetensia ne’e administativamente, superviziona, foti desizaun polítika, mais atu tama to’o iha kampus dehan hira mak simu no hira mak la simu ne’e intervensaun ba kampus nia atutonomia”, dehan Deputadu Bankada FRETILIN, Joaquim dos Santos, iha Parlamentu Nasionál, Tersa (26/2).

Hataan ba kestaun ne’e, Ministru Edukasaun Ensinu Superiór Siénsia no Kultura, Longuinhos dos Santos dehan, autónomu kampus nian atu haree ba administrasaun no finansas, maibe iha desizaun balun lei prevé mós atu fó kompetensia ba governu atu foti desizaun.

Nia dehan, desizaun balun ne’ebé fó kompetensia ba governu liuhusi Ministériu Edukasaun maka bele determina númeru vaga no haree mós ba númeru estudante ne’ebé tama iha ensinu superiór liu-liu UNTL no Institutu Politekniku Betanu.