Login to your account

Username *
Password *
Remember Me

CNRT: Hakarak Kadeira PPN, Tenke “Kaben” Lai

Xefe Bankada partidu CNRT, Duarte Nunes ko'alia ba jornalista sira iha resintu Plenaria PN (18/5) Xefe Bankada partidu CNRT, Duarte Nunes ko'alia ba jornalista sira iha resintu Plenaria PN (18/5) Foto Tempo Timor

Tempotimor (Dili)-Bankada CNRT iha Parlamentu Nasionál deklara sei la entrega kadeira Prezidente Parlamentu Nasionál ba ema seluk bainhira partidu FRETILIN, PLP no KHUNTO seidauk legaliza sira-nia koligasaun.

Prezidente Bankada CNRT Duarte Nunes deklara, CNRT sei la entrega meza Prezidente PN ba kualker bankada iha Parlamentu bainhira bankada FRETILIN, PLP no KHUNTO seidauk ofisializa sira-nia bloku.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

"Ami-nia pozisaun mak ne'e, se mai mak buka hada’u, ami sei la fó fatin, tanba ne'e fó mensajen la di'ak ba nasaun inklui mundu kona-ba ita-nia nasaun," dehan Duarte iha PN, Segunda (18/05).

Nia afirma, bainhira bloku entre FRETILIN, PLP no KHUNTO mak legaliza ona, CNRT entrega di'ak de'it meza PN ba bloku refere.

"Se karik bloku ne'e legaliza tiha sira nia situasaun, sira apoiu ba governu dasia dasia, entaun ami mai husu Prezidente Parlamentu Nasionál (PPN) hala'o plenária no votasaun ami entrega didi'ak, ne'e ita kaer liman ba malu, sira ne'ebé manan ita entrega buat hotu di'ak," dehan deputadu Duarte.

PUBLISIDADE

 

Tuir nia, daudauk ne’e, bankada tolu mai obriga atu foti de'it kadeira Prezidente PN, tan ne’e, bankada CNRT sei la simu.

“Agora nusa mak tenke mai obriga atu foti de'it, ne'e ami la simu, ne'ebé mai la tuir regras ami la fó, ne'ebé mai tuir regras ami fó bainhira legaliza ona sira-nia bloku”.

Entretantu, tuir observasaun jornalista www.tempotimor.com iha PN, nota katak, deputadu sira husi bankada CNRT hanesan deputada Virginha Ana Belo, José Virgilio, Fernada Lay, Oscar de Araujo, Maria da Camara Bisoi, no Maria Bareto hakuak no halo seguransa metin ba kadeira no meza PPN nian, hodi la fó fatin ba Vise PPN Maria Angelina Lopes Sarmento atu hahú plenaria PN.

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter