CNRT Halo PN sai Kompaña Unipesoal, Lda

Deputada bankada FRETILIN Josefa Pereira Ko'alia ba Jornalista sira iha resintu Plenaria PN (18/5) Deputada bankada FRETILIN Josefa Pereira Ko'alia ba Jornalista sira iha resintu Plenaria PN (18/5) Foto Tempo Timor

Tempotimor (Dili)-Asaun deputadu CNRT balun hodi hakoak metin kadeira Prezidente PN no hada’u mikrofone iha meza Prezidente Parlamentu Nasionál tanba konsidera PN nu’udar CNRT ninia kompaña privadu.

Deklarasaun ne’e hato’o husi deputada bankada FRETILIN Josefa Pereira ne’ebé dezkorda no lamenta tebes ho hahalok husi deputadu bankada CNRT sira.

"Asaun ida ne’e hatudu momoos ba ema hotu katak PN ne'e halo hanesan CNRT nian, la'ós partidu hotu-hotu nian, maibé ida ne'e hanesan CNRT nia kompania Unipesoal.Lda mak ne'e," dehan deputada Josefa iha PN, Segunda (18/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Deputada ne’e mós duun tekniku balun iha PN koko halo impedimentu tanba blokeia ekipamentu PN nian hanesan mikrofiber no kamera.

"Blokeia ba ekipamentu hanesan microfiber no kamera sira ne'e orientasaun husi CNRT, tanba sira mak agora dadaun sira mak lidera, sira mak lidera PN, entaun ne'e abuza poder, tanba nia iha poder, entaun nia blokeia buat hotu-hotu ne'ebé la devia blokeia, husik ba buat ne'e ema hotu bele uza no funsiona, labele halo hanesan kompania Unipesoal.Lda partidu ida nian iha ne'e, tanba ida ne’e uma povu nian, ba ema hotu-hotu," dehan nia.

PUBLISIDADE

 

Hatan ba deklarasaun ne’e, Prezidente Bankada CNRT Duarte Nunes hatete, atu funsiona ekipamentu sira iha salaun plenária so Prezidente PN autoriza lai.

"Buat ne'e hanesan ne'e, durante ne'e kuandu atu halo plenária entaun Prezidente PN autoriza mak bele funsiona buat sira ne'e, la'ós bankada ida mai katak ami halo plenária, ne'e laiha, ne'e instituisaun, ne'e la'ós apa ka ama nian, ne'e kompania ida-idak nian ne'ebé o mai manda, ne'e laiha, se hakarak ne'e ba iha sala bankada nian, maibé plenária ne'e tenke autorizasaun husi Prezidente PN," dehan Duarte.

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.