PM Taur: “Boot sira Hemu Tua, Kiik sira Labele Lanu”

Primeiru Ministru taur Matan Ruak ko'alia ba Jornalista sira iha palasiu Prezidensial (18/8) Primeiru Ministru taur Matan Ruak ko'alia ba Jornalista sira iha palasiu Prezidensial (18/8) Foto Midia PR

Tempitimor (Dili)-Primeiru Ministru Taur Matan Ruak husu ba povu Timor-Leste tomak atu tuur hakmatek no husik lider sira mak buka solusaun no rezolve tensaun politika ne’ebé daudauk ne’e hahú sa’e.

PM Taur dehan, povu sira tenke kontinua hakmatek hodi hala’o nafatin sira-nia atividade hanesan baibain.

VIDEO PUBLISIDADE APELU HUSI PM TAUR APLAUS BA FRONT LINE

 

 

 

"Ha’u-nia atensaun ba populasaun kona-ba tensaun politika, ha’u apelu de’it ba populasaun atu lembra de’it ha’u-nia liafuan ida famouzu kuandu ha’u (sei) Prezidente (Repúblika) ba iha Suku sira koalia, ‘boot sira hemu tua, kiik sira labele lanu’, ne'e ami boot sira mak koalia, buka solusaun ba problema. Kiik ne'e tuur nia fatin, hakmatek, halo serbisu baibain, lalika prekupa, Timor tenke ba oin," dehan Taur iha palasiu Prezidensial Nicolau Lobato, Segunda (18/05).

Tuir nia, laiha ema ida mak iha intensaun atu sobu Timor-Leste. Hotu-hotu hakarak Timor-Leste ba oin, tan ne’e hotu-hotu tenke hamutuk buka solusaun ba dezenvolvementu nasaun nian.

 

 PUBLISIDADE

 

"Ita hotu buka esforsu, hahú husi Suá Selensia Prezidente (Repúblika) ba to’o ita-nia oan sira kiik, kosok oan, hotu-hotu nia hanoin mak ne'e, problema ne'ebé ita iha tenke hakat liu, par hetan solusaun ba dezenvolvementu ita-nia nasaun nian.”

Kona-ba rumoris atu iha manifestasaun, Xefe Governu ne’e hatete, jeralmente situasaun seguransa hakmatek nafatin, tan ne’e Taur agradese ba sidadaun hotu nia kolaborasaun.

 

 PUBLISIDADE

 

Rate this item
(2 votes)
Last modified on Monday, 18 May 2020 16:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.