"Ami fó hikas hanoin ba ita boot sira, Taur Matan Ruak, ita nia maun doben, ita hotu hadomi, ohin sai nu'udár Primeiru Ministru RDTL nian, tanba AMP mak hili ka foti, la'ós Alkatiri mak foti, karik ita boot sira trai ho aktu ida ne'e, ACBN prontu hamriik iha Xanana Gusmão nia sorin, iha luta ba defende Estadu direitu Demokrátiku," dehan Prezidente ACBN Nuno Manuel C. de A. Sarmento "Laloran" liuhusi Komunikadu imprensa ne'ebé tempotimor.com asesu, Sábadu (16/05)
VIDEO PUBLISIDADE APELU HUSI PM TAUR APLAUS BA FRONT LINE
Iha deklarasaun ne'e mós dehan, di'ak liu bankada sira respeita lei, duké Brigada Negra hola asaun ho forsa hasoru bankada Fretilin, PLP no Khunto iha Parlamentu Nasionál.
"Ita boot sira keta halimar ho povu nia terus, ami terus liu ona! Ami kontinua respeita lei no instituisaun atu ita dezenvolve konstituisaun Estadu no harii Estadu direitu Demokrátiku iha Timor-Leste. Maibé karik tanba de'it ita boot sira hakarak sai boot iha Parlamentu Nasionál, hodi halo golpe palasianu, mak ami prontu atu mobiliza povu hasoru ita boot sira, iha tempu badak ruma forma pasífika no ordeiru," dehan Prezidente ACBN.
PUBLISIDADE
Nia mós afirma, se bankada tolu hanesan Fretilin, PLP no Khunto obriga-aan atu sobu meza PN, mak ACBN sei mobiliza povu hasoru bankada Fretilin, PLP no Khunto iha PN.
"Se ita boot sira iha segunda dezordem iha Parlamentu Nasionál, povu tomak sei hamriik hasoru ita boot sira iha loron ne'e kedas," nia subliña.
Entretantu Brigada Negra mós deklara no sei la permite kualker se de'it atu hamonu líder karismátiku Kay Rala Xanana Gusmão ne'ebé terus no liu-liu lori povu Timor-Leste manan ba luta delimitasaun fronteira marítima, ne'ebé forsa polítika balun kompromete tiha ho Austrália iha 2002.
Remata husi deklarasaun ne'e ACBN husu ba bankada Fretilin, PLP no Khunto atu respeita rejimentu no Parlamentu Nasionál.
PUBLISIDADE