Print this page

Lalika Hanorin Lei ba PR Lu Olo, Arão

Tempotimor (Dili)-Bankada FRETILIN iha Parlamentu Nasionál konsidera Prezidente Parlamentu Nasionál (PN) Arão Noe la komprende lei, tan ne’e lalika hanorin fali Prezidente Repúblika kona-ba lei.

Deklarasaun husi bankada FRETILIN ne’e relasiona ho ezijensia husi Prezidente Parlamentu Nasionál Arão Noe atu Prezidente Repúblika atu dizolve Parlamentu Nasionál hodi hakat ba eleisaun antesipada.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

 

Vise Prezidente bankada FRETILIN Francisco Miranda Branco hatete, Prezidente PN Arão Noe de Jesus da Costa Amaral lalika husu Prezidente Republika atu dizolve Parlamentu Nasional hodi dekreta Elisaun Antisipada.

"Prezidente Republika hatene hala'o nia knar tuir Konstituisaun artigu 74 katak, nia labele fó fiar ba partidu ida ne'ebé harii koligasaun no sobu fali koligasaun, ita labele halimar povu no Estadu Timor-Leste," dehan Branco iha PN, Sesta (15/05).

PUBLISIDADE

 

Iha sorin seluk, Deputadu bankada PLP Francisco Vasconcelhos konsidera, deputadu na’in 21 husi partidu CNRT la hasai kursu kona-ba koligasaun tanba ne'e mak forma koligasaun sobu koligasaun.

"CNRT ko'alia dala-barak kona-ba koligasaun, ha’u hatene sira-nia kursu, sira deputadu na’in 21 ida sidauk eskola hasai kursu ba koligasaun tanba koligasaun ne'ebé durante sira harii sobu tiha depois ezije fali koligasaun foun," dehan nia.

Vasconcelhos dehan, deputadu sira husu atu Arão tuun husi kargu ne’ebé nia okupa, la’os Prezidente PN ba husu fali PR Lu Olo dizolve PN.

 

PUBLISIDADE

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items