Login to your account

Username *
Password *
Remember Me

Babo: Kestaun Estadu, PM Taur Fó Fiar Hala'o Servisu, La Obriga Atu Rezigna-Aan

MNEK Dionisio Babo Soares ko'alia ba Jornalista sira MNEK Dionisio Babo Soares ko'alia ba Jornalista sira Foto Arkivu
Tempotimor (Díli)- Prezidente Konsellu Polítika (CPN) partidu CNRT no atuál Ministru Negósiu Estranjeiru no Kooperasaun (MNEK) Deonísio Babo Soares hatete, Primeiru Ministru Taur Matan Ruak fó fiar nafatin atu hala'o servisu hodi servi povu.
 
"Partidu CNRT husu tiha ona nia membru Governu sira livre vontade, tanba ne'e mak ami hanesan membru partidu sei hanoin hela, maibé Primeiru Ministru hateten katak, nia la prefere atu hasai membru Governu sira mezmu mai husi CNRT", dehan nia hafoin reuniun Konsellu Ministru iha salaun Ministériu Finansas Aitarak Laran, kuarta (13/5).
 
Tuir desizaun ne'ebe CPN foti iha loron ikus fulan Abril ninian, Prezidente Partidu CNRT haruka ona karta ba Primeiru Ministru Taur Matan Ruak maibe Ministru Negosiu Estranjeiru no Kooperasaun atuál ne'e esplika, nafatin hala'o servisu tanba ko'alia kestaun Estadu atu servi povu.
 
"Ami hala'o servisu hanesan normál no Primeiru Ministru mos fó fiar mai ami hala'o servisu, tanba ita ko'alia kestaun Estadu kuandu partidu troka no Governu troka ne'e normál, prosesu demokrasia naran katak kumpri rekezitus hotu-hotu", tenik Nia 
 
Babo salienta, seidauk iha notifikasaun, nafatin hala'o servisu hanesan membru Governu tuir mandatu ne'ebé Primeiru Ministru fó.
 
"Hanesan membru Governu hetan fiar husi Primeiru Ministru ami hala'o servisu, maibé hanesan membru partidu ami mos hetan ona informasaun maske seidauk simu notifikasaun individuál ba ami individu ida-idak, no informasaun ne'ebé liu husi mídia hatete katak, partidu nia pozisaun hanesan instituisaun la tama ona iha koligasaun, maibé hanesan membru Governu individuál sei hala'o servisu tuir mandatu ne'ebé Primeiru Ministru fó", Nia relata 
 
Governante ne'e haktuir, Desizaun ne'ebé partidu CNRT hasai katak, livre ba membru sira nia vontade atu desidi, maibé se deklara manten nafatin hala'o servisu iha oitavu Governu, entaun durante mandatu labele ko'alia em nome partidu ho nune'e sei tetu hela.  
 
"Partidu la dehan katak membru sira deside manten tenke sai ka la sai husi partidu", Nia hakotu
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter