Iha alterasaun ba lei númeru 14/2018, 17 Agostu ne’e, Konsellu Ministru deside hodi hamosu Vise Primeiru Ministru rua no halakon Ministériu Reforma Lejislativa no Asuntu Parlamentar (MRLAP) no Ministériu Planeamentu no Investimentu Estratejiku (MPIE).
VIDEO PUBLISIDADE APELU HUSI PM TAUR APLAUS BA FRONT LINE
“Liuhusi diploma rua ne’e, fó esperansa katak Vise Primeiru Ministru na’in rua atu ajuda primeiru ministru iha nia knaar sira iba asuntu Parlamentares no Komunikasaun Sosial, Ministru ida ba planu no ordenamentu teritoriu, vise ministru ida ba Turizmu kultura no komunitariu, Vise ministru ida ba komersiu no indutria, no vise ministru interior,” informa komunikadu ne’ebé www.tempotimor.com asesu, Kuarta (13/05).
Ho aprovasaun alterasaun dekretu lei ne’e, komunikadu ne’e dehan, aprova mós proposta husi Primeiru Ministru hodi halakon pasta importante rua iha Governu daualu.
“Pozisaun ba kargu sira governu nian, ministru reforma lejislativa no asuntu parlamentares no mós ministru planemanetu no investimentu estratejiku halakon tiha. Husik de’it mak eziste ministru ba asuntu estadu.”
PUBLISIDADE
“Ho dekretu lei ne’e, atribui iha reformasaun lejislativa no mós reformasaun administrativa iha nafatin prezidensia konsellu ministru.”
Liu tan komunikadu ne’e esplika: “Ministeriu Justisa atual sei konsentra ninia knar sira estadu nian iha parte refosrmasaun judisial. Ministeriu planementu, ne’ebé susbstitui departementu planu no investimentu estratejiku ne’ebé antes la eziste ona, sei responsabiliza ba knar sira estadu nian iha kontestu planu no ordenamentu teritoriu, sei hases aan tiha husi Ministeriu Obras Publika atu kontinua kualker knar iha kontestu planeamentu urbana.”
Komunikadu ne’e mós informa katak, ezistensia husi sekretariadu g7 + no komisaun nasional aprovizionamentu la inklui ona iha prezidensia konsellu ministru no komisaun ba aprovizionamentu integra ba iha Ministeriu Finansa.
PUBLISIDADE