Login to your account

Username *
Password *
Remember Me

CNRT Prontu Husik Kadeira Prezidente PN, Mais…

Xefe Bankada Partidu CNRT, Duarte Nunes ko'alia ba Jornalista sira iha resintu Parlamentu Nasional (13/5) Xefe Bankada Partidu CNRT, Duarte Nunes ko'alia ba Jornalista sira iha resintu Parlamentu Nasional (13/5) Foto Januario Varrela

Tempotimor (Dili)-Bankada CNRT iha Parlamentu Nasionál (PN) deklara prontu entrega kadeira Prezidente Parlamentu Nasionál ne’ebé ninia membru okupa, maibé husu atu bankada ne’ebé hato’o mosaun destituisaun atu labele ameasa.

Prezidente Bankada CNRT Duarte Nunes dehan, nia parte prontu entrega kadeira Prezidente PN bainhira governu buat hotu la’o tuir dalan legal.

"Kuandu koligasaun ne'ebe sei fo apoiu ba governu formal ou legal ona, laiha problema ona, hein fó data fiksu par depois halo eleisaun i see mak manan kaer liman intrega fila-fali, buat hotu di’ak, laiha problema, agora ita mai ameasa tun-sa’e, ami sente la di’ak, labele ita hasoru-malu iha dalan dehan ita ba troka meza, ne'e buat ida la lojika," dehan Duarte ba jornalista sira iha Parlamentu Nasional, Kuarta (13/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Duarte esplika, atu troka meza PN, partidu ne’ebé hakarak forma governu tenke halo intendimentu ida hodi garante katak sei la nakfera iha tempu oin.

"Atu troka meza tenke legalize, ida-idak halo konferensia depois tenke iha entendimentu ida no iha akrdu pur eskritu par ema hotu fiar katak sira ne'e iha entendimentu sei la nakfera iha loron rua nia laran, nune'e Prezidente tenke fiar buat sira ne'e, labele ita hasoru-malu hakarak dada-malu troka meza.
Nia afirma, partidu ne’ebé hakarak forma governu tenke forma mós koligasaun formal ida hafoin hato’o ba PR no PR bele indizita ona Primeiru Ministru.

"Tenke formal, hatudu b aema hotu katak ami hamutuk ona no komprimisiu mak ida ne'e i hato'o ba Prezidente Republika, kuandu simu ona sira-nia Primeiru Ministru indizitadu, prontu. Ita hatene atu forma governu presiza bloku ou koligasaun ida tenke fó apoiu, kuandu hanesan ne'e ona Prezidente Parlamentu mós sei la ulun moras, tanba ne'e legal ona," dehan nia.

 

PUBLISIDADE

 

Hatan kona-ba karik koligasaun legal ona, CNRT prontu fó apoiu ba mudansa meza PN, Duarte dehan, bankada CNRT sempre prontu.

“Prontu, mai ita marka loron ida halo eleisaun, see mak manan, hamrik ita hotu fó parabens, buat hotu la'o di’ak, nusa mak agora tenke halo konfuzaun barbarak”.

Kona-ba planu bakada FRETILIN, PLP no KHUNTO atu husu Vise Prezidente PN na’in rua lidera plenaria bainira Prezidente PN la ajenda rekerimentu destituisaun, Duarte dehan, laiha dalan ba Vise Prezidente PN na’in rua ne’e.

“Tanba sa ansi loos, seidauk formaliza sira-nia bloku, maibé ansi loos ne'e tanba saida? buat saida mak mosu ona? ita sidauk haree buat emerjeensia ruma ne'ebé tenke ida ne'e ba ida ne'e."

 

PUBLISIDADE

Rate this item
(1 Vote)
Last modified on Wednesday, 13 May 2020 13:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter