Iha 11 Maiu, TR hasai akordaun kona-ba petisaun ne’ebé hatama husi advogadu CNRT hasoru Prezidente Repúblika Francisco Guterres Lu Olo.

Iha akordaun ne’e, TR konsidera petisaun husi CNRT ne’e indifere tanba la priense rekezitus.

Tuir TR, petisaun husi CNRT ne’ebé sita PR Lu Olo halo violasaun grave kontra obrigasaun konstitusional tama iha asaun krime ne’ebé presiza asinatura husi 2/3 deputadu PN.

VIDEO PUBLISIDADE APELU HUSI PM TAUR APLAUS BA FRONT LINE

 

 

Ba kestaun ne’e, Prezidente Bankada CNRT iha PN, Duarte Nunes dehan, iha semana ida ne'e sei lori fila-fali pedidu petisaun hasoru PR Lu Olo ba TR.

"Ami fó delegasaun poder ba advogadu na’in tolu mak iha situasaun prepara hela depois haree ba situasaun par depois haruka fila-fali ba, tanba sira uza artigu ida ne'ebé entendimentu husi Tribunal nian labele 1/5, ne'ebe espera ita sei lori fali ba tanba iha dalan," dehan Duarte.

Nia afirma, iha dalan atu haruka fila fali petisaun kontra PR Lu Olo ba TR.

"Atu haruka fali ba tanba sira seidauk estuda asuntu sira ne'ebé mak ami husu, agora nia legalidade de'it, ema sira husu ne'e mak la loos tuir sira-nia intendimentu, ne'ebé espera katak haruka fila-fali ba tanba intensaun ba ami sira interpreta ba buat ne’ebé ami husu, sidadaun de'it bele ba tanba sa deputadu sira labele ba, mais dalan iha agora sei haree hela dalan," nia afirma.

PUBLISIDADE

 

Tuir nia, konstituisaun RDTL fó garante ba deputadu 1/5 atu husu interpretasaun ba hahalok ne’ebé PR halo hodi bele haree karik iha violasaun.

“Mais pronto, ne'e interpretasaun husi Tribunal mak bele haree, importante mak ami ba bele tama odamatan ou lae, tanba ami ba dehan labele ne'e mak ami fila, depois ba fali kuandu sira simu sei halo interpretasaun depois mak ita haree saida mak akontese," dehan nia.

Duarte dehan, karta ne’ebé CNRT hatama ne’e la’os atu lori PR Lu Olo ba tribunal, maibé hakarak husu de’it TR nia interpretasaun ba PR Lu Olo nia hahalok, tan ne’e la presiza 2/3 deputadus.

“Husu de'it par bele interpreta, sira fó hanoin ba publiku katak, hahalok ne'e la di’ak no hahalok ida ne'e mak di’ak par depois ba futuru ita bele hatene ne'ebé mak di’ak no ida ne'ebé mak la di’ak, la'os atu lori Prezidente Republika ba tribunal, atu lori Prezidente ba Tribunal presiza 2/3," nia hatete.

PUBLISIDADE