Vise Xefe Bankada PLP, Francisco Vasconcelos hateten, bankada tolu aprezenta tan ona karta insiste ba Meza PN hodi ezije ba Prezidente PN para halo nia knaar.
"Horiseik (Segunda, 11 Abril 2020) lorokraik pedidu ida ba tan, atu insiste no obrigatoriamente bazeia ba artigu 16 B rejimentu PN, ne'ebé dehan obrigatoriamente," dehan nia, iha Uma Fukun PN, Tersa (12/5).
VIDEO PUBLISIDADE APELU HUSI PM TAUR APLAUS BA FRONT LINE
Nia mós dehan, Prezidente PN laiha razaun atu buka fali rekerimentu ne'e nia fundamentál, maibé tenke toma kpnsiderasaun ba karta ne'e.
Entretantu, pedidu insiste ne'e atu reforsa rekerimentu destituisaun hodi obriga Prezidente PN atu ajenda ba mosaun destituisaun nian.
PUBLISIDADE
Entretantu, rekerimentu destituisaun husi Bankada FRETILIN, PLP no KHUNTO ba meza PN kompleta ona loron lima, maibé seidauk iha pronunsia ruma kona-ba pedidu ne'e.
"Rejimentu no konstituisaun mak guia ita para tau iha ajenda, ne'ebé kona-ba defende aan ne'e Prezidente PN bele lori ba tribunal karik desizaun plenaria nian sala," dehan Vasconcelos.
Deputadu ne'e mós husu ba Arão Noé labele halai, maibé asume responsabilidade, tanba ne'e soberanu ne'e iha plenária. (*)
PUBLISIDADE
