Login to your account

Username *
Password *
Remember Me

CNRT Seidauk Orienta Nia Membru sai husi Governu

Vise Prezidente CNRT, Virgilio Smith foti sa'e karta retira husi Governu iha sede partidu CNRT wainhira hamutuk ho Sekretariu Jeral Interinu, Jacinto Rigoberto halo konferensia ba imprensa (11/5) Vise Prezidente CNRT, Virgilio Smith foti sa'e karta retira husi Governu iha sede partidu CNRT wainhira hamutuk ho Sekretariu Jeral Interinu, Jacinto Rigoberto halo konferensia ba imprensa (11/5) Foto arkivu

Tempotimor (Dili)-Maske partidu CNRT deklara ofisialmente retira husi governu konstitusional daualu, maibé seidauk iha orientasaun ba ninia membru governu sira atu rezigna aan husi estrutura governu ne’ebé lidera husi Primeiru Ministru Taur Matan Ruak.

Partidu CNRT ne’ebé lidera husi Xanana Gusmão ofisialmente deklara ona retira husi governu Aliansa Mudansa ba Progresu (AMP) ne’ebé sira forma hamutuk ho PLP no KHUNTO.

Iha 28 Abril 2020, Prezidente Bankada CNRT iha Parlamentu Nasionál, apela ba membru governu husi partidu CNRT atu rezigna an husi kargu ne’ebé sira okupa daudauk.

Hafoin deklarasaun ne’e, iha 30 Abril 2020, Komisaun Politika Nasionál partidu CNRT hala’o enkontru ho membru governu CNRT iha sede partidu. Iha enkontru ne’ebé hala’o besik oras lima ne’e, KPN-CNRT deside hodi hakotu sira-nia envolvimentu iha governu konstitusional daualu.

 

VIDEO PUBLISIDADE APELU HUSI PM TAUR APLAUS BA FRONT LINE

 

Tama iha fulan Maiu, iha 11 Maiu 2020, liu husi konferensia imprensa iha sede partidu, KPN-CNRT deklara ofisialmente retira husi governu AMP.

Maske nune’e, to’o iha 12 Maiu 2020, membru governu CNRT seidauk hatama karta rezignasaun ba PM Taur Matan Ruak.

Ministra Edukasaun, Juventude no Desportu, Dulce de Jesus Soares ne’ebé indizita husi partidu CNRT hatete, to’o ohin nia seidauk rezigna an.

Dulce dehan, nia hatene katak partidu CNRT foti ona desizaun hodi sai husi governu, maibé seidauk iha orientasaun ba membru governu CNRT atu rezigna an.

PUBLISIDADE 

 

“Sim, loos duni, horseik (11 Maiu) ne'e pozisaun partidu hanesan instituisaun hatama ona karta ba señor Primeiru Ministru, entaun ami hein nafatin orientasaun husi partidu,” dehan Ministra ne’e ba www.tempotimor.com via telemovel, Kuarta (12/05).

Nia dehan, nu’udar membru governu, nia iha koñesimentu kona-ba karta husi partidu CNRT ne’ebé haruka ba Primeiru Ministru.

“Ami simu karta ida ne'ebé mak instituisaun partidu haruka ba Sua Exelénsia Señor Primeiru Ministru, ne’ebé orientasaun ofisial ba ami ne'e seidauk, ne'ebé ami hein de'it," dehan nia.

 

PUBLISIDADE 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter