“Durante semana rua resin F2000 halo propaganda sekjer CNRT halai ona husi justisa. Maibe propaganda barato ida nee FALSU,” hakerek iha Media Center CNRT Nubian. 

Ohin Partidu FRETILIN iha Parlamentu National hahu lansa tan a takes hodi dehan Sekjer CNRT ne’e uza Parlamentu hanesan abrigo.

Francisco Kalbuadi Lay eleito nu’udqr membru PN iha lista principal maibe hafoin hetan nomeasaun ba kargu ministru, Francisco Kalbuadi Lay, ignora ona kargu deputadu fulan ualu nia-laran. Maibe hafoin hetan notifikasaun husi Ministeriu Publiku, husu lalais atu retoma pozisaun iha Parlamentu Nasional. 

Eis-Ministru Turizmu, Francisco Kalbuadi, durante impase politika deside "halimar iha uma" hodi hein dialogu entre Xefe Governu no Xefe Estadu atu bele hetan pose ba kargu ministru. 

Maski nune'e, desizaun ne'e hetan mudansa lalais, bainhira hetan notifikasaun husi Ministeriu Publiku. Kalbuadi husu atu asume fali kargu deputadu. 

Bankada FRETILIN preokupa prezensa Kalbuadi Lay, tanba mudansa ne'e halo ho intensaun politika ruma, tanba mosu hafoin simu notifikasaun husi Ministeriu Publiku.

“Movimentu ida ohin akontese ne’e ba ha’u fallasada polítika mosu ona iha rai ne’e. Parlamentu ida ne’e hanesan fuzitivu ida husi persegisaun justisa nian”, dehan deputadu José Agustinho Siquera, iha Uma Fukun PN, Segunda (25/2). 

Hataan ba ida ne'e, seputada bankada CNRT, Maria Goromali Barreto, husu deputadu sira labele alergia ho deputadu Francisco Kalbuadi, ne’ebé retoma fali pozisauu’udar deputadu.