PPN 'Manha' Vise Prezidente PN Lidera Meza, CNRT Du'un Partidu Tolu Asaltu Poder 

Vise Xefe Bankada CNRT, Patrocinio dos Reis ko'alia ba Jornalista sira iha Paralemntu Nasional (12/5) Vise Xefe Bankada CNRT, Patrocinio dos Reis ko'alia ba Jornalista sira iha Paralemntu Nasional (12/5) Foto isac oliviera
Tempotimor (Dili)-Relasiona ho pedidu ne'ebé bankada tolu aprezenta hodi obriga Prezidente Parlamentu Nasionál (PPN) Arão Noé de Jesus da Costa Amaral hodi tau ba ajenda maibe to'o ohin Prezidente PN dezvia hela de'it nune'e deputadu na'iin 33 asina fali tan petisaun seluk ida hodi obriga vise PPN na'in rua atu lidera meza Parlamentu Nasionál tuir rejimentu PN define.
 
Maibe tuir bankada CNRT nia hanoin asaun ne'e hanesan asaltu poder ne'ebé bankada sira FRETILIN, PLP ho KHUNTO halo.
 
"Iha rejimentu no konstituisaun la fó dalan atu vise na'in rua lidera meza PN, depois iha rejimentu ne'e mós dehan klaru katak, bainhira vise na'in rua ne'e halo knaar hodi lidera meza PN, bainhura autirza husi PPN," dehan deputadu Patrocino dos Reis Fernandes iha PN, Tersa (12/05)
 
VIDEO PUBLISIDADE APELU HUSI PM TAUR APLAUS BA FRONT LINE
 
 
 
Deputadu CNRT ne'e fiar vise PPN nain rua la monu ba manobra politika, tanba kareira politika sei joven.
 
"Ha'u fiar katak vise na'in rua ne'e sei la monu ba lasus tentativa ne'ebé atu lori ns iura nain rua ba falan kloot, ne'ebé ha'u  hatene sira nain rua sei la halo," nia dehan 
 
Nia afirma, bainhira PPN la audiénsia iha PN, vise sira laiha kompetensia atu lidera.
 
"Laiha aujensua husi PPN, laiha kompeténsia neim ida hodi lidera, tanba ne'e bainhira sira obriga hodi vise na'in rua lidera ne'e mak hanaran asaltu poder, ne'ebé akontese took ba mak ita haree," dehan Patrocino.
 
PUBLISIDADE
 
Entretantu deputadu Luis Roberto dehan, kona-ba asaltu poder azeptu prezidente PN tuur iha nia fatin mak hadau ne'e sala.
 
"Atu funsiona PN ne'e la'ós asaltu poder, tanba ida ne'e orgaun povu nian. Entaun asaltu poder ne'e, ezemplu Prezidente PN tuur iha nia meza mak ha'u ba hadau de'it, ne'e mak dehan asaltu poder, maibe prezidente husi nia responsabilidade entaun ita mós dúvida," dehan vise daruak PN, deputadu Luis Roberto.
 
Nia mós dehan, asaltu poder ne'e ezeptu (kecuali) señor Arão Noé tuur iha ninia fatin depois ha'u asaltu hodi dudu sees tiha para tuur fali iha nia fatin ne'e ha'u asaltu poder.
 
PUBLISIDADE
Rate this item
(0 votes)
Last modified on Tuesday, 12 May 2020 15:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.